ஹிமாச்சலில் கார் விபத்தில் சிக்கி உயிரிழந்த வெற்றி துரைசாமியின் (Vetri Duraisamy funeral) உடல் இன்று மாலை தகனம் செய்யப்பட உள்ளதாக அவரது குடும்பத்தினர் தெரிவித்துள்ளார்.
சென்னை முன்னாள் மேயராக இருந்தவர் சைதை துரைசாமி . இவரது மகன் வெற்றி. 45 வயதாகும் இவர் பிரபல சினிமா இயக்குனர் வெற்றி மாறனிடம் பயிற்சி பெற்றுள்ள வெற்றி,
கடந்த சில ஆண்டுகளுக்கு முன்பு ‘என்றாவது ஒருநாள்’ என்ற திரைப்படத்தை இயக்கியுள்ளார்.
இந்த நிலையில், வெற்றி துறைசாமி திருப்பூரை சேர்ந்த தனது உதவியாளர் கோபிநாத்துடன் இமாச்சல் பிரதேசத்திற்கு கடந்த சில நாட்களுக்கு முன் சுற்றுலா சென்றுள்ளார்.
கார் ஒன்றை வாடகைக்கு எடுத்த அவர்கள் லாஹல் மற்றும் ஸ்பிதியின் காசா பகுதியிலிருந்து சிம்லாவுக்கு சென்று கொண்டிருந்தனர்.
காரை உள்ளூரை சேர்ந்த தஞ்சின் என்ற ஓட்டுனர் தான் ஓட்டிச் சென்றுள்ளார்.
கின்னார் மாவட்டம் காசாங் நாலா தேசிய நெடுஞ்சாலையில் சென்றுக் கொண்டிருந்த போது ஓட்டுநரின் கட்டுப்பாட்டை இழந்த கார் சட்லஜ் ஆற்றில் கவிழ்ந்து விபத்துக்குள்ளானது .
இதில், காரை ஓட்டிய தன்ஜின் சடலமாக மீட்கப்பட்ட நிலையில் வெற்றியின் நண்பர் கோபிநாத் படுகாயங்களுடன் மீட்கப்பட்டு மருத்துவமனையில் அனுமதிக்கப்பட்டுள்ளார் . ஆனால் வெற்றி துரைசாமி மாயமானார்
இந்த விபத்தில் மாயமான வெற்றி துரைசாமியை 8வது நாளாக தேடும் பணி தீவிரமடைந்து வந்த நிலையில் நேற்று அவரது உடல் கண்டுபிடிக்கப்பட்டது .
தேடும் பணியில் தேசிய பேரிடர் மீட்பு குழு , ராணுவம் மற்றும் கடற்படையை சேர்ந்த 100-க்கும் மேற்பட்டோர் தேடுதல் பணியை தீவிரமாக செய்துவந்த நிலையில்,
விபத்து நடந்த இடத்திலிருந்து 6 கி மீ தொலைவில் உள்ள சட்லஜ் ஆற்றில் உடல் கிடைத்துள்ளது.
இதையடுத்து கார் விபத்தில் உயிரிழந்த வெற்றி துரைசாமியின் மறைவுக்கு திரையுலகினர் அரசியல் தலைவர்கள் என பலரும் இரங்கல் தெரிவித்து வருகின்றனர்.
இந்நிலையில் ஹிமாச்சலில் கார் விபத்தில் சிக்கி உயிரிழந்த வெற்றி துரைசாமியின் உடல் இன்று மாலை தகனம் செய்யப்பட (Vetri Duraisamy funeral) உள்ளதாக அவரது குடும்பத்தினர் தெரிவித்துள்ளார்.
இதுகுறித்து சைதை துரைசாமி வெளியிட்டுள்ள செய்தியில் கூறிருப்பதாவது :
சென்னை பெருநகர மாநராட்சியின் முன்னாள் மேயர் மற்றும் மனிதநேய கல்வி அறக்கட்டளையின் தலைவர் திரு. சைதை துரைசாமி அவர்களின் மகன்
Also Read :https://itamiltv.com/senthil-balaji-has-resigned-from-the-post-of-tnminister/
மனிதநேய அறக்கட்டளையின் இயக்குனர் வெற்றி துரைசாமி அவர்கள் 2024 பிப்ரவரி 04 ஆம் தேதி இமாச்சல பிரதேசம் கின்னுர் மாவட்டத்தில் பயணம் செய்து கொண்டிருந்தபொழுது
வாகனம் சட்லஜ் நதியில் விழுந்து விபத்துக்குள்ளானது. மத்திய, மாநில அரசின் தொடர் முயற்சியால் எட்டு நாட்களுக்கு பிறகு அவரது உடல் சட்லஜ் நதியில் இருந்து ஐந்து கிலோமீட்டர் தொலைவில் கண்டெடுக்கப்பட்டது .
அன்னாரது பூத உடல் இன்று 13/02/2024 செவ்வாய்க் கிழமை மாலை 5 மணிக்கு அவரது உடல் கீழ்கண்ட இல்லத்தில் பொது மக்கள் அஞ்சலி செலுத்துவதற்காக வைக்கப்பட்டு
இறுதிச்சடங்கு மாலை 6 மணியளவில் கண்ணம்மாபேட்டை (தி. நகர்) மயான பூமியில் தகனம் செய்யப்படுகிறது.