ஹிமாச்சலில் கார் விபத்தில் உயிரிழந்த வெற்றி துரைசாமியின் மறைவுக்கு (Leaders condolence) தமிழக முதல்வர் மு.க.ஸ்டாலின் உளப்பட பலரும் இரங்கல் தெரிவித்துள்ளனர்.
சென்னை முன்னாள் மேயராக இருந்தவர் சைதை துரைசாமி . இவரது மகன் வெற்றி. திருப்பூரை சேர்ந்த தனது உதவியாளர் கோபிநாத்துடன் இமாச்சல் பிரதேசத்திற்கு கடந்த சில நாட்களுக்கு முன் சுற்றுலா சென்றுள்ளார்.
கின்னார் மாவட்டம் காசாங் நாலா தேசிய நெடுஞ்சாலையில் சென்றுக் கொண்டிருந்த போது ஓட்டுநரின் கட்டுப்பாட்டை இழந்த கார் சட்லஜ் ஆற்றில் கவிழ்ந்து விபத்துக்குள்ளானது .
இதில், காரை ஓட்டிய தன்ஜின் சடலமாக மீட்கப்பட்ட நிலையில் வெற்றியின் நண்பர் கோபிநாத் படுகாயங்களுடன் மீட்கப்பட்டு மருத்துவமனையில் அனுமதிக்கப்பட்டுள்ளார் . ஆனால் வெற்றி துரைசாமி மாயமானார்
இந்த விபத்தில் மாயமான வெற்றி துரைசாமியை 8 நாட்களாக தேடப்பட்டு வந்த நிலையில் நேற்று அவரது உடல் கண்டுபிடிக்கப்பட்டது .
விபத்து நடந்த இடத்திலிருந்து 6 கி மீ தொலைவில் உள்ள சட்லஜ் ஆற்றில் உடல் கிடைத்துள்ளது.
இதையடுத்து கார் விபத்தில் உயிரிழந்த வெற்றி துரைசாமியின் மறைவுக்கு திரையுலகினர் அரசியல் தலைவர்கள் என பலரும் இரங்கல் தெரிவித்து வருகின்றனர்.
முதல்வர் ஸ்டாலின் விடுத்துள்ள இரங்கல் செய்தியில் கூறிருப்பதாவது :
”எந்தவொரு தந்தையும் எதிர்கொள்ளக் கூடாத துயரம் இது. உயிருக்கு உயிரான மகனை இழந்து தவிக்கும்
சகோதரர் சைதை துரைசாமி அவர்களுக்கு இத்துயர்மிகு நேரத்தில் எனது இதயபூர்வமான ஆறுதலையும் ஆழ்ந்த இரங்கலையும் தெரிவித்துக் கொள்கிறேன்.”
TTV தினகரன் விடுத்துள்ள இரங்கல் செய்தியில் கூறிருப்பதாவது :
இமாச்சல பிரதேசம் சட்லஜ் நதியில் மாயமான திரு.வெற்றி துரைசாமி அவர்களின் உடல் 8 நாட்களுக்குப் பிறகு சடலமாக மீட்கபட்டிருப்பதாக வரும் செய்தி மிகுந்த வேதனையளிக்கிறது.
வெற்றி துரைசாமி அவர்களை இழந்து வாடும் அவரின் தந்தை திரு.சைதை துரைசாமி அவர்களுக்கும்,
குடும்பத்தினருக்கும் எனது ஆழ்ந்த இரங்கலையும் (Leaders condolence) அனுதாபங்களையும் தெரிவித்துக்கொள்கிறேன்.
Also Read : https://itamiltv.com/we-will-win-all-40-constituencies-vck-press-meet/
இதையடுத்து முன்னாள் முதலமைச்சர் ஓ.பன்னீர்செல்வம் அதிமுக பொதுச்செயலாளர் எடப்பாடி பழனிச்சாமி தேமுதிக பொதுச்செயலாளர் பிரேமலதா விஜயகாந்த் உள்ளிட்ட பல அரசியல் தலைவர்கள்.
வெற்றி துரைசாமி அவர்களின் மறைவுக்கு இரங்கல் தெரிவித்துள்ளனர்.