சூப்பர் ஸ்டார் ரஜினிகாந்த் நடிப்பில் தாறுமாறாக உருவாகி உள்ள ‘வேட்டையன்’ படத்தின் இசை வெளியீட்டு விழா குறித்த முக்கிய அறிவிப்பை படக்குழு வெளியிட்டுள்ளது.
ஜெய் பீம் என்ற ஹிட் படத்தை இயக்கிய ஞானவேல் இயக்கத்தில் அடுத்ததாக உருவாகி வரும் திரைப்படமே வேட்டையன் . பிரம்மாண்ட பொருட் செலவில் லைக்கா நிறுவனம் தயாரிக்கும் இப்படத்தில் ரஜினிகாந்த் அமிதாப் பச்சன், ஃபஹத் ஃபாசில், ராணா, மஞ்சு வாரியர், ரித்திகா சிங், துஷாரா விஜயன் உட்பட பல முன்னணி நடிகர்கள் நடிக்கின்றனர்.
விறுவிறுப்பாக நடைபெற்று வரும் இப்படத்தின் படப்பிடிப்பு இந்தியாவின் பல முக்கிய நகரங்களில் சத்தமின்றி நடைபெற்று முடிந்த நிலையில் தற்போது இப்படத்தின் போஸ்ட் ப்ரொடக்சன் பணிகளில் படக்குழு தீவிரமாக இறங்கி உள்ளது.
Also Read : வழக்கு முடியும் வரை முதல்வர் இருக்கையில் அமர மாட்டேன் – அரவிந்த் கெஜ்ரிவால்
ராக்ஸ்டார் அனிருத் இசையில் தரமாக தயாராகி உள்ள இப்படம் விரைவில் திரையரங்குளில் வெளியாக உள்ள நிலையில் தற்போது இப்படத்தின் இசை வெளியீடு விழா குறித்த முக்கிய அறிவிப்பை படக்குழு வெளியிட்டுள்ளது.
.அதன்படி சென்னையில் உள்ள நேரு உள்விளையாட்டு அரங்கில் வரும் செப்.20-ம் தேதி ‘வேட்டையன்’ இசை வெளியீட்டு விழா நடைபெற உள்ளதாக படக்குழு அறிவித்துள்ளது.
