திரையரங்குகளில் திறம்பட ஓடிக்கொண்டிருக்கும் சூப்பர் ஸ்டாரின் வேட்டையன் திரைப்படம் இதுவரை செய்துள்ள வசூல் குறித்த விவரம் வெளியாகி உள்ளது.
ஞானவேல் இயக்கத்தில் ரஜினிகாந்த் நடிப்பில் சிறப்பாக தரமாக உருவான திரைப்படமே வேட்டையன் . பிரம்மாண்ட பொருட் செலவில் லைக்கா நிறுவனம் தயாரித்த இப்படத்தில் ரஜினிகாந்த் அமிதாப் பச்சன், ஃபஹத் ஃபாசில், ராணா, மஞ்சு வாரியர், ரித்திகா சிங், துஷாரா விஜயன் உட்பட பல முன்னணி நடிகர்கள் நடித்துள்ளனர்.
Also Read : கனமழை காரணமாக அக்.15 முதல் அக் 17 வரை கூடுதல் மெட்ரோ ரயில்கள் இயக்கம்..!!
ராக்ஸ்டார் அனிருத் இசையில் தரமாக தயாரான இப்படம் கடந்த 10 ஆம் தேதி உலகெங்கும் உள்ள திரையரங்குகளில் வெளியான நிலையில் தற்போது நல்ல வரவேற்பை பெற்று வருவதாக கூறப்படுகிறது.
இந்த நிலையில் தற்போது இத்திரைப்படம் வெளியான 4 நாட்களில் செய்துள்ள வசூல் குறித்த விவரம் வெளியாகி உள்ளது அதன்படி வேட்டையன் படம் உலகளவில் ரூ. 240 கோடிக்கும் அதிகமாக வசூலித்துள்ளதாகத் தயாரிப்பு நிறுவனம் அதிகாரப்பூர்வமாக அறிவித்துள்ளது.
