தனிப்படை அமைக்கும் அளவுக்கு நடிகை கஸ்தூரி என்ன தவறு செய்தார்..? – சீமான்

தனிப்படை அமைக்கும் அளவுக்கு நடிகை கஸ்தூரி என்ன தவறு செய்தார் என நாம் தமிழர் கட்சியின் தலைமை ஒருங்கிணைப்பாளர் சீமான் கேள்வி எழுப்பியுள்ளார்.

அரியலூர் மாவட்டம் அணைக்குடம் கிராமத்தில் நாதக நிர்வாகி இல்ல விழாவில் இன்று கலந்துகொண்ட பின் செய்தியாளர்களை சந்தித்த சீமான் கூறியதாவது :

நடிகை கஸ்தூரி கைது அவசியமற்றது. அவர் பேசியதில் காயம்படவோ, வேதனைப்படவோ ஒன்றுமில்லை. வேண்டுமென்றே பழிவாங்குகின்றனர்.

Also Read : ‘புஷ்பா 2’ படத்தின் மிரட்டலான ட்ரெய்லர் வெளியானது..!!

கஸ்தூரி பேசியதால் காயமடைந்ததாக கூறுகிறார்கள். ஆனால், நூற்றாண்டுகளாக தமிழ் பேரினத்தை, திராவிடம் என சொல்லி வருகிறார்கள். நாங்கள் எவ்வளவு காயப்பட்டு இருப்போம். கஸ்தூரி பேசியதற்கு மன்னிப்பு கேட்டுவிட்டார். அதன் பிறகும் தனிப்படை அமைத்து, வேறு மாநிலத்துக்கு சென்று கைது செய்யும் அளவுக்கு கஸ்தூரி அப்படி என்ன தவறு செய்தார்?

சொந்த நாட்டுக்குள் ஏற்பட்டுள்ள கலவரத்தை ரசித்துக் கொண்டிருக்கிறார்கள். திட்டமிட்டு கலவரத்தை உருவாக்கியவர்கள் ஆட்சியாளர்களாக இருந்தால், எப்படி அதை தடுப்பார்கள் என சீமான் கூறியுள்ளார்.