ஜீ தமிழ் தொலைக்காட்சியில் ஒளிபரப்பான ‘யாரடி நீ மோகினி’ சீரியல் மூலம் பிரபலமான நக்ஷத்ரா (actress nakshatra) தற்போது கர்ப்பமாக இருக்கும் நிலையில், இவருக்கு 5 மாத சீர் கொடுத்த போது எடுக்கப்பட்ட புகைப்படங்கள் மற்றும் வீடியோக்கள் வெளியாகி ரசிகர்கள் மத்தியில் வாழ்த்துக்களை குவித்து வருகிறது.
கடந்த சில மாதங்களுக்கு முன்பு “யாரடி நீ மோகினி” சீரியல் நடிகை நட்சத்திர தான் கர்ப்பமாக இருப்பதாக புகைப்படம் வெளியிட்டு அறிவித்திருந்தார்.
இந்நிலையில், இவருக்கு தற்போது 5 மாத சீர் கொடுக்கும் நிகழ்ச்சி நடந்திருக்கும் வீடியோவை வெளியிட்டு உள்ளார். ஜீ தமிழ் தொலைக்காட்சியில் ஒளிபரப்பான யாரடி நீ மோகினி சீரியல் மூலமாக பிரபலமான நடிகை நட்சத்திரா (actress nakshatra) தமிழில் கடந்த 2016 ஆம் ஆண்டு இயக்குனர் ஜெயக்குமார் இயக்கத்தில் வெளியான ‘கிடாரி பூசாரி மகுடி’ என்ற திரைப்படத்தின் மூலமாக கதாநாயகியாக அறிமுகமானார்.
இதனை அடுத்து, தனது முதல் படத்திலேயே கிராமத்து வேடத்தை ஏற்று நடித்த நடிகை நட்சத்திரா அந்த படத்தின் கதாபாத்திரத்துடன் பொருந்தி நடந்திருந்தாலும், தொடர்ந்து வேறு பட வாய்ப்புகள் கிடைக்காததால் மீண்டும் சீரியலின் பக்கமே திரும்பினார். மேலும், திரைப்படங்களில் இவருக்கு கிடைக்காத வரவேற்பை குறுகிய காலத்திலேயே சீரியல் பெற்றுத் தந்தது.
மேலும், இவருக்கு என தனி ரசிகர் பட்டாளமும் உருவானது. இதனை அடுத்து கடந்த ஆண்டு தன்னுடைய நீண்ட நாள் காதலரான விஷ்வா என்பவரை நடிகை நட்சத்திர மிகவும் எளிமையான முறையில் திருமணம் செய்து கொண்டார். திருமண புகைப்படங்களை வெளியிட்டு இதனை அறிவித்த அவர் திடீரென ஏன் திருமணம் செய்து கொண்டார் என்பதையும் பேட்டி ஒன்றின் மூலமாக தெரிவித்து இருந்தார்.
அதாவது, தன்னுடைய அவசர திருமணத்திற்கு முக்கிய காரணம் தன்னுடைய தாத்தா தான் எனவும், அவருக்கு உடல்நிலை மிகவும் மோசமாக இருந்த நிலையில், தன்னுடைய திருமணத்தை பார்க்க தனது தாத்தா ஆசைப்பட்டதால் அவசர அவசரமாக தனது திருமணம் நடத்தப்பட்டதாகவும் தெரிவித்திருந்தார்.
மேலும், திருமணம் ஆன ஒரே வாரத்திலேயே தன்னுடைய தாத்தா இறந்துவிட்ட தகவலையும் வெளியிட்டு அதிர்ச்சி கொடுத்தார் நடிகை நட்சத்திரா. மேலும், திருமணம் ஆன பிறகு கலர் தொலைக்காட்சிகள் ஒளிபரப்பாகி வந்த ‘வள்ளி திருமணம்’ என்ற சீரியலில் நெகடிவ் கதாபாத்திரத்திலும் நடித்து வந்தார்.
இந்த சீரியல் கடந்த டிசம்பர் மாதம் நிறைவடைந்த நிலையில், அதனை தொடர்ந்து தற்போது கர்ப்பமாக இருக்கும் நிலையிலும் ஜீ தமிழ் தொலைகாட்சியில் ஒளிபரப்பாகி வரும் ரியாலிட்டி டான்ஸ் ஷோ ஒன்றில் தன்னுடைய கணவருடன் கலந்து கொண்டுள்ளார் நடிகை நட்சத்திரா.
தற்போது, இருவரின் குடும்பத்தை சேர்ந்தவர்களும் நட்சத்திராவிற்கு ஐந்து மாத சீர் நிகழ்ச்சிக்கு ஏற்பாடு செய்திருந்த நிலையில், மிகவும் எளிமையாக அந்த நிகழ்ச்சி நடந்து முடிந்து உள்ளது. இது குறித்த வீடியோக்களை நக்ஷத்ரா தன்னுடைய சமூக வலைதள பக்கத்தில் வெளியிட்டதை அடுத்து ரசிகர்களின் அவர்களுடைய வாழ்த்துக்களை தெரிவித்து வருகின்றனர்.
