நடிகர் யோகி பாபு நடிப்பில் இயக்குனர் ஷான் இயக்கத்தில் பா.ரஞ்சித் தயாரிப்பில் பொம்மை நாயகி திரைப்படத்தின் ரிலீஸ் தேதி அறிவிக்கப்பட்டுள்ளது.தமிழ் சினிமா உலகில் முன்னணி காமெடி நடிகர்களுள் ஒருவராக வலம் வருபவர் நடிகர் யோகி பாபு. இவர் தற்போது ஒரு சில படங்களில் ஹீரோவாகவும் நடித்து வருகிறார்.
அந்த வகையில் இவர் ஹீரோவாக நடித்து 2021 ஆம் ஆண்டு மண்டேலா என்ற திரைப்படம் வெளியானது.இந்த திரைப்படம் ஓடிடியில் நேரடியாக வெளியானதை அடுத்து ரசிகர்கள் மத்தியில் மிகப்பெரிய வெற்றி பெற்றது.இந்த திரைப்படத்தை மடோன் அஸ்வின் இயக்கியிருந்தார்.
இந்த திரைப்படத்திற்காக இயக்குனர் மடோன் அஸ்வின் இரண்டு தேசிய விருதை பெற்றிருந்தார்.இந்நிலையில் தற்போது நடிகர் யோகிபாபு பொம்மை நாயகி என்ற திரைப்படத்தில் நடித்து வருகிறார்.இந்த திரைப்படம் பிப்ரவரி-3ஆம் தேதி திரையரங்குகளில் வெளியாக உள்ளதாக தற்போது அறிவிக்கப்பட்டுள்ளது.
மண்டேலாவுக்கு அடுத்தபடியாக யோகிபாபு கதையின் நாயகனாக நடித்துள்ள படம் பொம்மை நாயகி. இப்படத்தை புதுமுக இயக்குனர் ஷான் இயக்கி உள்ளார். தந்தை மகள் உறவை மையமாக வைத்து எமோஷனல் கதையம்சம் கொண்ட படமாக இது தயாராகி உள்ளது.
இந்த திரைப்படத்தை இயக்குனர் பா.ரஞ்சித் தயாரிக்கிறார்.இந்த திரைப்படத்தில் யோகி பாபுவின் மகளாக ஸ்ரீமதி என்பவர் நடித்திருக்கிறார்.மிகவும் எமோஷனலான கதை அம்சம் கொண்டதாக இந்த பொம்மை நாயகி திரைப்படம் இருக்கும் என்று கூறப்படுகிறது.மண்டேலா திரைப்படத்தை போல் இந்த திரைப்படமும் ரசிகர்கள் மத்தியில் வரவேற்பை பெறுமா என்றும் மேலும் பல விருதுகளை குவிக்குமா என்றும் பொறுத்திருந்துதான் பார்க்க வேண்டும்