chemical explosion : சென்னை கொளத்தூர் ஜி.கே.எம் பகுதியில் வசித்து வருபவர் ஹரிஹரன் என்பவரின் மகன் ஆதித்ய பிரணவ். இவர் அதே பகுதியில் உள்ள பள்ளியில் 12 ஆம் வகுப்பு படித்து வந்துள்ளார்.
கடந்த ஆறு மாதத்திற்கு முன்பு ஹரிஹரன் தனது மகன் பிரணவுடன் கொளத்தூரில் புதிய வீட்டை வாங்கி குடி பெயர்ந்துள்ளார்.
12ஆம் வகுப்பு படித்து வரும் ஆதித்ய பிரணவ், அறிவியல் பயின்று வரும் மாணவர் என்பதால், வீட்டில் வைத்து அடிக்கடி ஏதாவது ஒரு ஆராய்ச்சிகளைச் செய்து கொண்டிருப்பார் என கூறப்படுகிறது.
இதையும் படிங்க : திமுக தேர்தல் பரப்புரை கூட்டம் – திருச்சி வந்த வைகோ – செய்தியாளர் பேட்டி..!
ஆதித்ய பிரணவ் அறிவியல் பூர்வமான கண்டுபிடிப்புகளில் ஆர்வம் கொண்டவர் எனபாதால் ஆன்லைன் மூலமாக பாஸ்பரஸ் உள்ளிட்ட வேதிப்பொருட்களை வாங்கி,
அதை வைத்து வீட்டில் ஆய்வுகளை மேற்கொண்டு வருவதை அவர் வழக்கமாக வைத்துக் கொண்டு இருந்துள்ளார்.
மேலும், கடந்த 10 நாட்களுக்கு முன்பு மாணவன் ஆதித்ய பிரணவ் ஆராய்ச்சி செய்து கொண்டிருந்த போது, ஹரிஹரன் வீட்டிற்குள் இருந்து கரும்புகை வந்துள்ளது, அதனை அக்கம் பக்கத்தினர் அதனைப் பார்த்து எச்சரித்துள்ளனர்.
இந்த நிலையில் நேற்று (21.03.24) மதியம் 3 மணியளவில் ஆதித்யப் பிரணவ் வீட்டிலிருந்து பயங்கர வெடி சத்தம் கேட்டுள்ளது. இதனால், அருகிலிருந்த மூன்று வீடுகளும் அதிர்ந்து சேதம் அடைந்தன.
![chemical explosion](https://i0.wp.com/itamiltv.com/wp-content/uploads/2024/03/WhatsApp-Image-2024-03-20-at-4.34.02-PM-3.jpeg?resize=800%2C401&ssl=1)
மாணவன் பாஸ்பரஸ் உள்ளிட்ட பல்வேறு வேதிப் பொருட்களை வைத்து ஆய்வு செய்து கொண்டிருந்தபோது,
எதிர்பாராத விதமாக கெமிக்கல் மற்றும் பேட்டரி வெடித்து chemical explosion சிதறியதில், இந்த விபத்து ஏற்பட்டுள்ளது.
இதனால், மாணவன் ஆதித்ய பிரணவ் சம்பவ இடத்திலேயே உயிரிழந்தார்.
பயங்கர வெடி சத்தம் கேட்டு சென்று பார்த்த அக்கம் பக்கத்தினர் உடனடியாக இதுகுறித்து போலீசருக்கு தகவல் தெரிவித்துள்ளனர்.
இதன் அடிப்படையில், கொளத்தூர் போலீசார் மற்றும் கொளத்தூர் துணை ஆணையர் பாண்டியன் சம்பவ இடத்திற்குச் சென்று,
மாணவனின் உடலை கைப்பற்றி, கீழ்பாக்கம் அரசு மருத்துவமனைக்கு அனுப்பி வைத்து விசாரணை மேற்கொண்டு வருகின்றனர்.
இதையும் படிங்க : மக்களவைத் தேர்தலுக்கான அதிமுகவின் தேர்தல் அறிக்கையை வெளியிட்டார் எடப்பாடி பழனிசாமி!