2023 – துலாம் ராசியினருக்கு எப்படி?கணவன் மனைவி இந்த விஷயத்தில் கவனம் தேவை..!!

துலாம் ராசி:

நட்சத்திரம்:

சித்திரை 3, 4 பாதங்கள், சுவாதி, விசாகம் 1, 2, 3 பாதங்கள்

கிரகநிலை

• ராசியில்- கேது
• தைரிய வீர்ய ஸ்தானத்தில் -சூரியன்,
• புதன்(வ) – சுக ஸ்தானத்தில் சுக்கிரன்,
• சனி – ரண ருண ரோக ஸ்தானத்தில் குரு
• சப்தம ஸ்தானத்தில் -ராகு
• அஷ்டம ஆயுள் ஸ்தானத்தில் -செவ்வாய்

கிரகமாற்றங்கள்:

• 29-03-2023 அன்று பஞ்சம பூர்வ புண்ணிய ஸ்தானத்திற்கு சனி பகவான் பெயர்ச்சியாகிறார்
• 22-04-2023 அன்று குரு பகவான் சப்தம ஸ்தானத்திற்கு பெயர்ச்சி ஆகிறார்
• 08-10-2023 அன்று ராகு பகவான் ரண ருண ரோக ஸ்தானத்திற்கு மாறுகிறார்
• 08-10-2023 அன்று கேது பகவான் விரைய ஸ்தானத்திற்கு மாறுகிறார்.

பொது பலன்கள்:

• சுக்கிரனை ராசிநாதனாகக் கொண்ட உங்களுக்கு இந்த ஆண்டு குடும்ப நலம் சீராக இருக்கும்.
• பொருளாதார நிலையில் கெடுதல் ஏற்படாமலும் காப்பாற்றப்படுவீர்கள்.
• இந்த நற்பலன்கள் ஏற்படுவது உறுதி. இதற்காகக் கடுமையாக உழைக்க வேண்டியிருக்கும்.
• உறவினர்கள் மூலம் ஏதேனும் தொல்லை உண்டாகலாம்.
• அதையும் சமாளித்து விடுவீர்கள், கவலை வேண்டாம். பணச்சங்கடம் வராமல் இருக்க வாய்ப்புண்டு.
• தெய்வப்பணி, தருமப்பணிகளில் ஈடுபட்டு வந்தால் கவலை குறையும்.
• பெரியோர்களின் நல்லாசியை விரும்பிப் பெறுங்கள்.

தொழில் பலன்கள்

• உத்தியோகத்தில் தெம்பும், தைரியமும் அதிகம் ஏற்படும். இயந்திரப் பணியில் ஈடுபட்டுள்ளோர் எச்சரிக்கையாக இருப்பது நல்லது.
• காவல், ராணுவம் போன்ற துறைகளில் உள்ளோருக்குக் குறை உண்டாகாது. நன்மையும், தீமையும் கலந்தவாறு நடக்கும்.
• வியாபாரிகளுக்கு அளவான லாபம் உண்டு. அலைச்சல் தவிர்க்க முடியாமல் போகலாம்.

அரசியல்பலன்கள்

• அரசியல்வாதிகளுக்குச் சோதனை ஏற்படலாம். மனத்துக்கு மிகுந்த சங்கடம் உண்டாகக்கூடிய ஒரு நிகழ்ச்சி ஏற்படலாம்.
• தெய்வ காரியங்களில் ஈடுபட்டு வந்தால் தொல்லை குறையும். கலைத்துறை நல்லவிதமாக நடக்கும்.
• எதிர்த்துப் போராடி சிற்சில பிரச்சினைகளைத் தீர்த்துக் கொள்வீர்கள்.
• பொதுவாக அலைச்சலும், கடும் உழைப்பும் தவிர்க்க முடியாத நேரம்தான் இது.
• துணிவுடன் எதையும் எதிர் நோக்கம் ஆற்றல் இருக்கும்.

பெண்களுக்குகான பலன்கள்

• கணவன் – மனைவி உறவு களிப்புடன் விளங்கும். சொந்தபந்தங்களால் ஏதேனும் பிரச்சினை உண்டாகலாம். கவனமாக இருங்கள்.
• உங்களுடைய கவுரவம், ஓங்கும். பொருளாதார வளர்ச்சி குடும்ப நலம், தொழில் வளம், பதவி உயர்வு போன்ற நற்பலன்கள் ஏற்படும்.
• மாணவர்கள் அளந்து பேசினால் நன்மை பெருகும். நற்காரியங்களை உத்தேசித்து நல்ல மனதோடு அணுகும் விஷயங்களில் வெற்றி உண்டாகும்.
• புதிய சிநேகிதம், புதியவர்களுடன் எந்தவிதத்திலும் தொடர்பு கொள்வது போன்றவற்றை அறவே நீக்கவேண்டும். மீறினால் ஏமாற்றப்படுவீர்கள்.

நட்சத்திர ராசி பலன்கள்

சித்திரை 3, 4 பாதங்கள்:

• இந்த ஆண்டு தொழிலில் மிகுந்த அக்கறையுடன் இருப்பது அவசியம். வியாபாரிகளுக்குப் அனுகூலமாக இருக்கும்.
• வியாபாரிகளுக்கு சிறு நஷ்டம் இருக்கும் பின்னர் ஆதாயமாக இருக்கும்.
• கலைத்துறை சம்பந்தப்பட்ட நபர்களுக்கும் பிரச்சினைகள் உருவாகாது போக இடமுண்டு.
• மனதில் சில குறை உண்டாகலாம். அதை சரி செய்து விடுவீர்கள்.
• பணக்கஷ்டம் இருக்காது. ஆனால், உழைப்பு அதிகமாக இருக்கும். அலைச்சல் இருக்கும்

சுவாதி:

• இந்த ஆண்டு திருமணம், மகப்பேறு போன்ற பாக்கியங்கள் உண்டாகலாம்.
• வேலை தேடிக்கொண்டிருப்பவர்களுக்கு வேலையும் கிடைக்க வாய்ப்புண்டு. வியாபாரிகளுக்கு நல்ல லாபம் வரும்.
• விவசாயிகளுக்குப் பிரச்சினை ஏதும் உருவாகாது. என்றாலும் எச்சரிக்கையாக இருப்பது அவசியம்.
• இழிச்சொல்லுக்கு உள்ளாக நேரலாம். எச்சரிக்கை தேவை.

விசாகம் 1, 2, 3 பாதங்கள்:

• இந்த ஆண்டு தம்பதியரிடையே மகிழ்ச்சி மேலோங்கும். தகாத காரியங்களைச் செய்யச் சொல்லி உங்களைத் தடுமாற்றத்துக்கு உள்ளாக்கும் நிலைமை வரலாம் எச்சரிக்கை.
• அன்றாடப் பணிகளில் சிரத்தையுடன் செயலாற்றுங்கள்.
• தொழிலாளர்களுக்கு விசேஷ நற்பலன்கள் உண்டாகும்.
• திருமணம் போன்ற நற்காரியங்கள் நிகழவும் வாய்ப்புண்டு.
• கணவன் மனைவி உறவு களிப்புடன் விளங்கும்.

பரிகாரம்: வெள்ளிக்கிழமை தோறும் குலதெய்வ பூஜை மற்றும் முன்னோர் வழிபாடு செய்யுங்கள்.

அதிர்ஷ்ட திசைகள்: மேற்கு, தெற்கு