கொரோனாவை விட கொடிய நோய்த்தொற்று உருவாக வாய்ப்புகள் உள்ளதாக உலக சுகாதார அமைப்பு (health organization) எச்சரிக்கை விடுத்துள்ளது.
கடந்த 2019ம் ஆண்டு உருவான கொரோனா நோய்த்தொற்று உலக அளவில் மிகக் கடுமையான பாதிப்புகளை ஏற்படுத்தியது. இந்த நிலையில், தடுப்பூசி மற்றும் ஊரடங்கு கட்டுப்பாடு ஆகியவற்றால், நோய்த்தொற்று பாதிப்பு படிப்படியாக குறைந்து உலகம் இயல்பு நிலைக்கு திரும்பி வருகிறது.
இதனால், உலக சுகாதார அமைப்பு (health organization) கொரோனா பெருந்தொற்றை உலக சுகாதார அவசரநிலையில் இருந்து நீக்குவதாக அறிவித்திருந்தது.
![](https://i0.wp.com/itamiltv.com/wp-content/uploads/2023/05/02-77.jpg?resize=900%2C600&ssl=1)
இந்த நிலையில், தற்போது கொரோனாவை விட கொடிய நோய்த்தொற்று விரைவில் உருவாக வாய்ப்பு இருப்பதாக உலக சுகாதார அமைப்பின் தலைவர் டிட்ரோஸ் அதானோம் தெரிவித்து உள்ளார்.
இதுகுறித்து ஜெனீவாவில் நடைபெற்ற உலக சுகாதார மாநாட்டில் பேசிய டிட்ரோஸ் அதானோம், கொரோனா பெருந்தொற்று உலக சுகாதார அவசர நிலையில் இருந்துதான் நீக்கப்பட்டிருக்கிறது எனவும், ஆனால், தற்போதுவரை மனித குலத்துக்கான அச்சுறுத்தல் என்ற நிலையில் இருந்து கொரோனா பெருந்தொற்று நீக்கப்படவில்லை என்றும் தெரிவித்துள்ளார்.
அதுமட்டுமலல்லாமல், கொரோனாவை விட கொடிய நோய்த்தொற்று விரைவில் உருவாகக்கூடும் என்றும் அதனை எதிர்கொள்ள உலக நாடுகள் தயாராக இருக்க வேண்டும் என்றும் தெரிவித்தார்.