தென்னிந்திய திரையுலகில் வளர்ந்து வரும் நடிகையாக வலம் வருபவர் நடிகை கல்யாணி ப்ரியதர்ஷன். முன்னணி இயக்குனர் ப்ரியதர்ஷன் மற்றும் நடிகை லிஸ்சியின் மகளான இவர் முதன்முதலில் தெலுங்கில் நடிகையாக அறிமுகமானார் .
இதையடுத்து சிவகார்த்திகேயன் நடிப்பில் வெளியான ஹீரோ படத்தின் மூலம் தமிழ் சினிமாவில் கதாநாயககியாக அறிமுகமானார். பின்னர் வெங்கட் பிரபு இயக்கத்தில் வெளியாகி சக்கை போடு போட்ட மாநாடு படத்தில் சிம்புவுக்கு ஜோடியாக நடித்திருந்தார்.
இதுமட்டுமல்லாமல் கடந்த ஆண்டு மலையாளத்தில் வெளியாகி ரசிகர்களின் அமோக வரவேற்பை பெற்ற Hridhayam படத்தில் கதாநாயகியாக நடித்து இன்றைய தலைமுறையின் மனதில் தனக்கென தனி இடம் பிடித்துவிட்டார் .
அடுத்தடுத்து படங்களில் கமிட்டாகி பிஸியாக வலம் வரும் கல்யாணி தற்போது 2 மலையாள படங்களில் நடித்து வருகிறார். அதில் ஒன்று தான் ஆண்டனி.
ஜோஷி இயக்கத்தில் உருவாகும் இப்படத்தில் ஜோஜு ஜார்ஜ், செம்பன் வினோத், விஜயராகவன் உள்ளிட்ட பல முன்னணி நட்சத்திரங்கள் நடிக்கின்றனர் .
இந்நிலையில் விறுவிறுப்பாக நடைபெற்று இப்படத்தின் படப்பிடிப்பில் ஆக்ஷன் காட்சி ஒன்றில் விபத்து ஏற்பட்டு அதில், நடிகை கல்யாணி ப்ரியதர்ஷனுக்கு அடிபட்டுள்ளது. உடம்பில் காயத்துடன் இருக்கும் அந்த புகைப்படத்தை நடிகை கல்யாணி தனது சமுக வலைத்தளத்தில் வெளியிட்டுள்ளார்.
இதோ அந்த புகைப்படம்..
