DMK FILES :திமுக பைல்ஸ் 3 பாகங்கள் வெளியிடப்பட்டுள்ளது. முழு அம்சமும் வெளியாகும் போது தமிழக அரசியல் மட்டுமல்ல தமிழக அரசே மாறக்கூடிய வாய்ப்பு உள்ளது என அண்ணாமலை தெரிவித்துள்ளார்.
தமிழக பாஜக தலைவர் கே.அண்ணாமலை திமுகவினர் மீது தொடர்ந்து பல்வேறு குற்றச்சாட்டுகளை முன்வைத்து,கடந்த ஏப்ரல் 14ஆம் தேதிதிமுக பைல்ஸ் என்ற பெயரில் திமுக மூத்த நிர்வாகிகளின் சொத்து பட்டியலை ஊழல் பட்டியலை வெளியிட்டு வருகிறார்.
இது தமிழக அரசியல் வட்டாரத்தில் பரபரப்பை ஏற்படுத்தியது .கடந்த ஆண்டு ஏப்ரல் மாதம் திமுக பைல்ஸ் பாகம் ஒன்றை வெளியிட்டார்.
அதில், திமுக எம்பி ஜெகத்ரட்சகன், அமைச்சர் துரைமுருகன், முதல்வரின் குடும்பத்தினர் உள்ளிட்ட சிலரின் சொத்துப் பட்டியல் இடம் பெற்றிருந்தது.
அதனைத் தொடர்ந்து ஜூலை மாதம் திமுக பைல்ஸ் பாகம் இரண்டை வெளியிட்டார். அதில், அரசு துறைகளில் ஒப்பந்த பணிகளில் நடந்திருந்த முறைகேடுகள் குறித்த குற்றச்சாட்டுகள் இடம் பெற்றிருந்தன.
இதையும் படிங்க :https://itamiltv.com/instead-of-putting-up-a-banner-for-mgr-birthday-the-aiadmk-put-up-a-banner-for-aravinda-swamy-kak/
இந்நிலையில், திமுக. பைல்ஸ் பாகம் மூன்று என பெயரில் என்ற வீடியோ பதிவை அண்ணாமலை நேற்று முன்தினம் வெளியிட்டார்.
அதில், திமுக எம்பி டி.ஆர்.பாலு, முன்னாள் உளவுத்துறை அதிகாரி ஜாபர் சேட் இடையிலான தொலைபேசி உரையாடல்கள் இடம்பெற்றுள்ளன. இதுதொடர்பாக அண்ணாமலை எக்ஸ் வலைதளப்பதிவில் கூறியிருப்பதாவது:
‘இண்டியா’ கூட்டணியில் இடம் பெற்றுள்ள கட்சிகளின் ஊழல் தன்மையை அம்பலப்படுத்தும் பல நாடாக்களில் இதுவும் ஒன்று. இந்த கூட்டணி 2004-ம் ஆண்டு முதல் 2014-ம் ஆண்டு வரை வேறு பெயரை கொண்டிருந்தது.
டி.ஆர்.பாலு, ஜாபர் சேட் உரையாடலில், 2ஜி விசாரணையில் சிபிஐ ரெய்டுகளின் நேரத்தை திமுக – காங்கிரஸ் முடிவு செய்து, விசாரணையை நீர்த்துபோகச் செய்யும் வகையில் செயல்பட்டனர்.
இதையும் படிங்க :https://x.com/ITamilTVNews/status/1747490864056975656?s=20
வரும் நாட்கள் இதுதொடர்பாக மேலும் பலவேறு தகவல்கள் வெளியிடப்படும் என அண்ணாமலை தெரிவித்து இருந்தார்.
இந்த நிலையில், நேற்று( ஜனவரி 15 )துக்ளக் பத்திரிக்கையின் 54வது ஆண்டு விழா சென்னையில் நடைபெற்றது.
இந்த விழாவில் பாஜக மாநில தலைவர் அண்ணாமலை கலந்து கொண்டார். அப்போது பேசிய அவர் இன்று நான் வெளியிட்ட டேப்.
டி ஆர் பாலு மற்றும் தமிழ்நாட்டை சீனியர் intelligent அதிகாரி ஒருவர் பேசிய 2 G விவகாரம் தொடர்பான உரையாடலை நாங்கள் வெளியிட்டு இருக்கிறோம். இன்னும் 14 டேப்புகள் இருக்கிறது.
இந்த டேப் part 3 என்பது, தமிழ்நாடு அரசியலில் பெரிய மாற்றத்தை ஏற்படுத்த கூடிய ஒரு ஆழமான தாக்கத்தை உண்டு செய்யும்.
நாங்கள் நெட் பவுலர்களை சந்திக்க போவது இல்லை, நாங்கள் நெகராவை சந்திக்க தயாராக உள்ளோம் என தெரிவித்தவர்,
திமுக என்ற தீய சக்தியை தேர்தல் வாயிலாக ஒழித்து தோற்கடித்து தமிழக அரசில் இருந்து அப்புறப்படுத்த வேண்டும் அதுதான் எங்களது ஒரே இலக்கு என அண்ணாமலை தெரிவித்தார்.