Retta Thala First Look இயக்குனர் பாலா இயக்கத்தில் உருவாகியுள்ள வணங்கான் படத்தில் நடித்து ரிலீசுக்காகக் காத்திருக்கும் நிலையில் அருண் விஜய்யின் 36 வது படம்குறித்த அறிவிப்பு சில தினங்களுக்கு முன்பாக வெளியானது.
தற்போது இப்படத்தின் ஃபர்ஸ்ட் லுக் போஸ்டர் வெளியாகி ரசிகர்கள் மத்தியில் கவனம் ஈர்த்து வருகிறது.
கோலிவுட்டில் சிறந்த கதைகளைத் தேர்வு செய்து தனது நடிப்பு திறமையை வெளிப்படுத்தி ஒரு மாஸ் ஹீரோவாக வலம் வருபவர் அருண் விஜய்.
இவரது நடிப்பில் கடைசியாக 2024 பொங்கலுக்கு ரிலீசாகிய ‘மிஷின் சாப்டர் 1’ படம் நேர்மறையான விமர்சனங்களைக் குவித்து ரசிகர்கள் மத்தியில் நல்ல வரவேற்பினை பெற்றது.
இதையும் படிங்க : அதானி குழுமத்தில் 12 வெளிநாட்டு நிதி நிறுவனங்களின் முக்கியத் தகவல்கள் மறைப்பு!
மான் கராத்தே படத்தை இயக்கிய கிரிஷ் திருக்குமரன், அருண் விஜய் நடிக்கும் புதிய படத்தை இயக்குகிறார். மேலும் இந்தப் படத்திற்கு ‘ரெட்ட தல’ என டைட்டில் வைக்கவுள்ளதாகத் தகவல்கள் வெளியாகியுள்ளன.
இயக்குனர் ஏ.ஆர். முருகதாஸ் நடிகர் அஜித்தை வைத்து ஒரு படம் எடுக்க இருந்ததாகவும், அதற்கு ‘ரெட்ட தல’ என்று டைட்டில் வைக்க முடிவு செய்து, அந்தத் தலைப்பைப் பத்து வருடங்களுக்கு முன்பேபதிவு செய்து வைத்திருந்ததாகக் கூறப்படுகிறது.
ஆனால் அவரின் இந்தப் படம் ஒர்கவுட் ஆகாததால் தற்போது தனது உதவி இயக்குனர் திருக்குமரன் அருண் விஜய்யை வைத்து இயக்கும் படத்திற்கு இந்த டைட்டிலை கொடுத்து விட்டார்.
இரண்டு விதமான கதாபாத்திரங்களில் அருண் விஜய் நடிக்கவுள்ளார் Retta Thala First Look.
‘தடம்’ படத்தில் டூயல் ரோலில் நடித்து அதிரடி காட்டினார், அதைத் தொடர்ந்து தற்போது ‘ரெட்ட தல’ படத்திலும் டூயல் ரோலில் நடிக்கவுள்ளார் அருண் விஜய். மேலும் இந்தப் படத்தில் சித்தி இதானி கதா நாயகியாகவும், தன்யா ரவிச்சந்திரன், மற்றும் பிக்பாஸ் பாலாஜி முருகதாஸ் உள்ளிட்டோர் முக்கிய கதாபாத்திரங்களில் நடிக்கவுள்ளதாகப் படக்குழு அறிவித்துள்ளது.
இதையும் படிங்க : முன்னாள் அமைச்சர் ஆர்.பி.உதயகுமார் கைது
