சிக்கபல்லாபூர் மாவட்டத்தில் உள்ள சிலகட்டா என்ற நகருக்கு அருகே ஓடும் அரசுப் பேருந்தில் இருக்கைக்கு அடியில் 6 அடி நீளமுள்ள நாகப்பாம்பு கண்டெடுக்கப்பட்ட சம்பவம் அதிர்ச்சியை ஏற்படுத்தியுள்ளது.
பாம்பு என்றால் படையும் நடுங்கும் என்ற பழமொழி உண்டு.பெரியவர்களுக்கும் குழந்தைகளுக்கும் பயம் இருப்பது முற்றிலும் இயல்பானது. அந்த வகையில் பாம்பைக் கண்டு அச்சம் கொள்ளாதவர்களை விரல்விட்டு எண்ணிவிடலாம்.சில சமயங்களில் வீடுகளில் பாம்பு புகுந்து விட்டால் உடனடியாக அக்கம் பக்கத்தில் ஆட்கள் திரண்டு பெரிய கலவரமே நடக்கும் .அதுபோல நாம் பயணிக்கும் பேருந்தில் நமது இருக்கைக்குக் கீழே பாம்பு இருப்பது தெரியவந்தால் அந்த நொடியே அவ்வளவு தான். அப்படி தான் கர்நாடக மாநிலத்தில் நிகழ்ந்துள்ளது.
கர்நாடக மாநிலம் ,சிக்கபல்லாபூர் மாவட்டத்தில் உள்ள சிலகட்டா என்ற நகருக்குச் சனிக்கிழமை பிற்பகல் 3 மணிக்கு அந்த பேருந்து புறப்பட்டிருக்கிறது. அப்போது பயணி ஒருவர் எதேச்சையாக இருக்கையின் கீழே பார்த்திருக்கிறார். அப்போது பாம்பு இருப்பதை உறுதிசெய்த நடத்துனர் உடனடியாக ஓட்டுநரைப் பேருந்தை நிறுத்தும்படி கூறியிருக்கிறார்.
https://twitter.com/ExpressKolar/status/1563919049050169344?s=20&t=DhmlLFWDS3uqFlLQ0nEUjQ
இதனையடுத்து, பயணிகள் அனைவரையும் பத்திரமாகக் கீழே இறங்கச் செய்திருக்கிறார். ஓட்டுநர் மற்றும் நடத்துநர் இருவரும் இந்த சம்பவம் குறித்து உடனடியாக அதிகாரிகளுக்குத் தகவல் தெரிவித்தனர். இதனைத் தொடர்ந்து, பாம்பு பிடிக்கும் உள்ளூர் நபரான பிரித்வி ராஜ் என்பவருக்கு இதுகுறித்து தகவல் அளிக்கப்பட்டிருக்கிறது.
இதனையடுத்து சம்பவ இடத்துக்கு விரைந்துவந்த பிரித்வி ராஜ் காணாமல் போனதாகத் தெரிவித்தன. அரை மணி நேரம் தேடியபோது, பேருந்தின் முகப்பு விளக்குப் பெட்டியில் பாம்பு இருப்பதைக் கண்டறிந்திருக்கிறார். ப்ரிதிவி ராஜ், நாகப்பாம்பைப் பிடிக்க கிலாம் போன்ற கேட்டை பயன்படுத்தினார்.
6 அடி உள்ள நீளமுள்ள நாகப்பாம்பைப் பிடித்து அருகில் உள்ள வனப்பகுதியில் விடப்பட்டது.இதனால் அப்பகுதி முழுவதும் சிறிது நேரம் பரபரப்பு ஏற்பட்டது.
