பிக்பாஸ் நிகழ்ச்சியின் 7-வது சீசனின் இன்றைய முதல் ப்ரோமோவில் மேலும் 3 வைல்டு கார்டு என்ட்ரி வரப்போவதாக அறிவித்துள்ளனர்.
வெற்றிகரமாக 50-வது நாளை எட்டி உள்ள பிக்பாஸ் சீசன் 7 நிகழ்ச்சில் தற்போது 14 போட்டியாளர்கள் மட்டுமே எஞ்சி உள்ளனர். இவர்களுக்கு இடையேயான ஆட்டத்தை மேலும் சூடுபிடிக்க வைக்க அதிரடி அறிவிப்பை வெளியிட்டுள்ளார் பிக்பாஸ்.
அதன்படி, பிக்பாஸ் வீட்டிற்குள் உள்ள போட்டியாளர்களுக்கு டாஸ்க் ஒன்றை கொடுக்க உள்ளதாகவும், அதில் பிக் பாஸ் வீட்டிற்குள் 3 வைல்டு கார்டு போட்டியாளர்கள் வர உள்ளதாகவும், அவர்களிடம் போட்டியிட்டு வென்றால் மட்டுமே பிக்பாஸ் போட்டியாளர்கள் இந்த நிகழ்ச்சியில் தொடர முடியும் என்றும், ஒருவேளை தோற்றுவிட்டால் வைல்டு கார்டு போட்டியாளர்களுக்கு வழிவிட்டு வெளியேற வேண்டும் என்றும் அறிவித்து அதிர்ச்சி கொடுத்தார்.
தொடர்ந்து இப்போது வெளியாகியுள்ள இரண்டாவது ப்ரோமோவில், “இந்த வாரம் ழுவதும் டாஸ்க்களின் வடிவத்தில் மூன்று பூகம்பங்கள் இந்த வீட்டை தாக்கும். நீங்கள் நாமினேட் செய்து பிக் பாஸ் வீட்டை விட்டு வெளியேற்றிய எக்ஸ் கண்டெஸ்டண்ட்ஸ்கள் உங்களுடன் கடினமாக போட்டி போட இந்த வீட்டிற்குள் வருவார்கள். இந்த வீட்டை விட்டு எவிக்ட் ஆகி வெளியேறும் நபர்களின் எண்ணிக்கையில் மாற்றம் இருக்கும். இந்த மூன்று டாஸ்க்களிலும் வெற்றி பெற்று இந்த வீட்டில் இருக்கும் ஹவுஸ்மெட்ஸ்களின் நிலையை சேவ் ஆக்க வேண்டுமா? இல்லை எக்ஸ் கண்டெஸ்டண்ட்ஸ்களுக்கு சிகப்பு சம்பளம் விரித்து வரவேற்க போறீர்களா? என்று நீங்களே முடிவு செய்து கொள்ளுங்கள்” என்று கூறியுள்ளார்.
பிக்பாஸ் கொடுத்துள்ள இந்த டாஸ்க்கில் வெற்றிபெற்றே ஆக வேண்டிய கட்டாயத்தில் போட்டியாளர்கள் உள்ளனர். ஏற்கனவே கடந்த சில வாரங்களுக்கு முன்பு ஒரே நாளில் வைல்ட் கார்டு எண்ட்ரியாக அர்ச்சனா, ப்ராவோ, அன்னபாரதி, தினேஷ், கானா பாலா என மொத்தம் 5 பேர் உள்ளே சென்றனர். அதன் பின்னர் பிக்பாஸ் வீட்டில் அதிகளவில் மோதல்கள் வெடித்து வந்த நிலையில், தற்போது மேலும் 3 வைல்டு கார்டு போட்டியாளர்கள் அதுவும் நாமினேட் செய்து பிக் பாஸ் வீட்டை விட்டு வெளியேற்றப்பட்ட நபர்கள் உள்ளே வந்தால் ஆட்டம் இன்னும் சூடுபிடிக்கும் என எதிர்பார்க்கப்படுகிறது.
குறிப்பாக, ரசிகர்களின் பேவரைட் நபரான பிரதீப் ஆண்டனி, அனைவராலும் ரெட் கார்ட் கொடுக்கப்பட்டு வெளியேற்றப்பட்ட நிலையில், அன்ஃபேர் எவிக்ஷன் என பலரும் தங்களது கண்டனங்களை இணையத்தில் தெரிவித்தும், பிரதீப் ஆண்டனிக்கு ஆதரவு குரல் கொடுத்தும் வரும் நிலையில், அவர் இந்த வைல்ட் கார்ட் என்ட்ரியில் ஒருவராக உள்ளே நுழைய வாய்ப்பு இருப்பதாகவும் கூறப்படுகிறது.
அதுமட்டுமல்லாமல், கடந்த வாரம் பிக் பாஸ் வீட்டில் இருந்து வெளியேற்றப்பட்ட ஐஷு பிரதீப்புக்கு ரெட் கார்ட் கொடுத்ததை நினைத்து வெட்கப்படுகிறேன். நான் எவ்வளவு பெரிய முட்டாள் தனமான செயலை செய்திருக்கிறேன் என்று நான் புரிந்து கொண்டேன் எனக் கூறி பகிரங்கமாக மன்னிப்பு கேட்டுள்ளார்.
இதனால், பிரதீப் ஆண்டனி மீண்டும் வைல்ட் கார்டு எண்ட்ரியாக பிக் பாஸ் வீட்டிற்குள் நுழைவார் என்ற எதிர்பார்ப்பில் ரசிகர்கள் உள்ளனர். அப்படி அவர் உள்ளே நுழைந்தால் ஆட்டம் வேற லெவலில் இருக்கும் எனவும் தங்களுடைய கருத்துக்களை பதிவிட்டு வருகின்றனர்.
