தமிழகத்தில் பாஜக,அதிமுக கூட்டணி முறிவு என்பது ஒரு நாடகம் என்று திமுக அமைச்சர் ஆர்.எஸ்.ராஜ கண்ணப்பன்(rajakannappan) விமர்சித்துள்ளார்.
ராமநாதபுரம் மாவட்டத்தில் திமுக இளைஞரணி செயல்வீரர்கள் கூட்டம் நடைபெற்றது. அந்த கூட்டத்தில் கலந்து கொண்ட அமைச்சர் ஆர்.எஸ்.ராஜகண்ணப்பன் (rajakannappan) திமுக மாவட்டச் செயலாளர்கள், மாவட்ட பொருளாளர்கள், இளைஞரணி மாவட்ட அமைப்பாளர்கள் உள்ளிட்டவர்களுடன் ஆலோசனை நடத்தினார்.
பின்னர் செய்தியாளர்களை சந்தித்த அமைச்சர் ராஜகண்ணப்பன் ..
ஒரு வண்டியில் பூட்டிய இரண்டு மாடுகளை போன்று கட்சியும், ஆட்சியும் ஒரே சீராகச் செல்ல வேண்டும். அதனை முதல்வர் ஸ்டாலின் சிறப்பாக நடத்திக் கொண்டிருக்கிறார். திமுகவை யாராலும் வீழ்த்த முடியாது. அண்ணாமலையால் ஒன்றும் செய்ய முடியாது. பாஜக, அதிமுக கூட்டணி பிரிவு என்பது ஒரு நாடகம்.
அதைப் பற்றி கருத்துச் சொல்வதற்கு ஒன்றுமில்லை. அவர்கள் சேர்ந்து வந்தாலும் சரி, தனியாக வந்தாலும் சரி அவர்களைச் சந்திக்க திமுக தயார் என்று கூறினார்.