Bus accident in Mexico : 2020 முதல் மெக்சிகோவில் சாலை விபத்துக்கள் அதிகரித்து வருகின்றன.
தேசிய புள்ளிவிவர நிறுவனத்தின் கூற்றுப்படி, 2022 ஆம் ஆண்டில் மொத்தம் 377,231 விபத்துக்கள் பதிவு செய்யப்பட்டுள்ளன.
2024 லும் இது தொடர்கிறது, கடந்த பிப்ரவரி 24 அன்று, வட-மத்திய மாநிலமான சான் லூயிஸ் போடோசியில் நடந்த போக்குவரத்து விபத்தில் நான்கு சிறுவர்கள் உட்பட 10 பேர் இறந்தனர்.
மேலும் ஏப்ரல் 27 அன்று தெற்கு மாநிலமான ஓக்ஸாகாவில், ஒரு டிரக் சாலையில் நடந்து சென்றவர்கள் மீது மோதியதில், மூன்று பேர் கொல்லப்பட்டனர்.
இதையும் படிங்க : கென்யாவில் அணை உடைந்து 40 பேர் பலி.. வெள்ளத்தில் அடித்துச் செல்லப்பட்ட வீடுகள்!
இதனைத் தொடர்ந்து மேலும் ஒரு சம்பவம் நேற்று மத்திய மெக்சிகோவில் நடந்துள்ளது.
மெக்சிகோவில் உள்ள சல்மா கிறிஸ்தவ தேவாலயம் கிறிஸ்தவர்களுக்கான முக்கிய புனித தளங்களில் ஒன்றாக விளங்குகிறது.
இந்நிலையில் நேற்று குவானாஜுவாடோ மாநிலத்தில் இருந்து சிலர் சல்மா கிறிஸ்தவ தேவாலயத்திற்குப் புனித யாத்திரை சென்றனர்.
இவர்கள் சென்ற பேருந்து கபூலின், சல்மா தேசிய நெடுஞ்சாலை பகுதியில் சென்று கொண்டிருக்கும் திடீரென கட்டுப்பாட்டை இழந்து விபத்துக்குள்ளாகியது.
விபத்து குறித்து அறிந்த உள்ளூர் மெக்சிகன் பாதுகாப்பு செயலகம், மருத்துவக் குழு மற்றும் மீட்புப் படையினரை உடனடியாக சம்பவ இடத்திற்கு அனுப்பியது.
இந்த விபத்தில் இதுவரை 14 பேர் உயிரிழந்த நிலையில் கண்டெடுக்கப்பட்டனர். மேலும் மேல் சிகிச்சைக்காக மருத்துவனை அழைத்துச் செல்லப்பட்ட 4 பேர் மருத்துவமனையில் உயிரிழந்ததாக மெக்சிகோவின் பாதுகாப்புச் செயலாளர் தெரிவித்துள்ளார்.
காயங்களுடன் மீட்கப்பட்டு 32 பேருக்கு உரியச் சிகிச்சை அளிக்கப்பட்டு வருகிறது Bus accident in Mexico.
விபத்து குறித்து வழக்குப் பதிவு செய்த மெக்சிகோ காவல்துறையினர் பேருந்தின் ஓட்டுனர் கட்டுப்பாட்டை இழந்து விபத்து ஏற்பட்டதா அல்லது வேறு இயந்திர கோளாறு காரணமாக விபத்து ஏற்பட்டதா என்று பல்வேறு கோணங்களில் விசாரணை நடத்தி வருகின்றனர்.