எதிர்வரும் மக்களவை தேர்தலை முன்னிட்டு திருச்சியில் இருந்து தனது தேர்தல் பரப்புரையை (tncm in trichy) திமுக தலைவரும் தமிழக முதலமைச்சருமான மு.க.ஸ்டாலின் தொடங்கி உள்ளார்.
திருச்சியில் இன்று நடைபெறும் மாபெரும் பொதுக்கூட்டத்தில் கலந்துகொள்பதற்காக வருகை தந்த முதல்வர் ஸ்டாலினுக்கு தொண்டர்கள் மற்றும் கூட்டணி கட்சி தலைவர்கள் உற்சாக வரவேற்பு அளித்தனர்.
இதையடுத்து இந்த பொதுக்கூட்டத்தில் கூடி இருந்த மக்களிடம் எழுச்சி உரையாற்றிய ஸ்டாலின் கூறியதாவது :
திருச்சி என்றாலே திமுகதான். திருச்சியில் இருந்து தொடங்கும் பாதை எப்போதும் வெற்றிப்பாதைதான்.
திமுகவினருக்கு தூக்கம் வரவில்லை என்று பிரதமர் மோடி பேசியிருக்கிறார். தோல்வி பயத்தில் அவருக்குத்தான் தூக்கம் வரவில்லை.
தேர்தல் பரப்புரையை ராஜ்பவனில் இருந்து தொடங்குவதாக ஆளுநரிடம் கூறினேன்; ஆளுநர் Best of luck சொன்னார் . ராஜ்பவனில் தொடங்கிய பயணம் குடியரசுத் தலைவர் மாளிகை வரை செல்லப்போகிறது.
Also Read : https://itamiltv.com/selvaperunthagai-request-to-central-govt/
பாஜக செய்த அத்தனை துரோகங்களுக்கும் துணையாக இருந்தவர் எடப்பாடி பழனிசாமி. துரோகங்களை செய்து விட்டு தற்போது கூட்டணி முறிந்துவிட்டதாக நாடகமாடுகிறார்.
தேர்தல் நேரம் என்பதால் பிரதமர் மோடி அடிக்கடி தமிழ்நாட்டுக்கு வருகிறார். தோல்வி பயத்தில் அவருக்குத்தான் தூக்கம் வரவில்லை . கடும் நிதி நெருக்கடியில் கூட திமுக அரசு 3 ஆண்டுகளில் பல திட்டங்களை நிறைவேற்றியுள்ளது. (tncm in trichy) ஆனால் ஒன்றிய அரசு வெள்ள நிவாரணம் கூட தர மறுக்கிறது என முதலவர் ஸ்டாலின் தெரிவித்துள்ளார்.