மூத்த மலையாள நடிகர் மம்முட்டியின் தாயார் பாத்திமா இஸ்மாயில் (93) கொச்சியில் இன்று காலமானார்.
சில காலமாக வயது மூப்பு காரணமாக சிகிச்சை பெற்று வந்த அவர், தனியார் மருத்துவமனையில் சிகிச்சை பலனின்றி உயிரிழந்தார்.
மலையாள சினிமாவில் சூப்பர் ஸ்டாரா வலம் வரும் மம்முட்டி. இவர் தமிழ், தெலுங்கு, கன்னடம், ஹிந்தி என பல மொழிகளில் பல படங்களை நடித்திருக்கிறார்.
இவர் நடிப்பில் தமிழிலும் பல திரைப்படங்கள் ஹிட் அடித்திருந்தது. 1991 ஆம் ஆண்டு தமிழ் சூப்பர் ஸ்டாரும், மலையாள சூப்பர் ஸ்டாரும் இணைந்து நடித்த திரைப்படம் தளபதி அது தான் அவரின் முதல் தமிழ் படம்.
அதற்குப்பிறகு மறுமலர்ச்சி, ஆனந்தம், பேரன்பு, கண்டு கொண்டேன் கண்டு கொண்டேன் போன்ற திரைப்படங்களிலும் நடித்திருக்கிறார்.
சினிமாவில் இவர் மட்டுமல்ல இவரின் மகன் துல்கர் சல்மானும் நல்ல ஹிட் படங்கள் கொடுத்து வருகிறார்.தாயை இழந்து வாடும்
நடிகர் மம்முட்டிக்கு ரசிகர்களும், திரையுலக பிரபலங்களும் சமூக வலைதளம் வாயிலாக இரங்கல் தெரிவித்து வருகின்றனர்.ஃபாத்திமா இஸ்மாயிலின் இறுதிச்சடங்கு இன்று மாலை நடைபெற உள்ளது.
