வெற்றிமாறன் இயக்கத்தில் சூரி ஹீரோவாக நடித்துள்ள படம் விடுதலை. இந்தப் படத்தில் விஜய் சேதுபதி, சேத்தன், கவுதம் மேனன், பவானிஸ்ரீ உள்ளிட்ட பலர் நடித்துள்ளனர். விடுதலை திரைப்படம் மார்ச் 31 ஆம் தேதி உலகம் முழுவதும் திரையரங்குகளில் வெளியானது.
இத்திரைப்படத்தில் நடிகர் சூரி கதாநாயகனாக அறிமுகமான பலராலும் பாராட்டப்பட்டது.படத்தில் முக்கியமான கதாபாத்திரத்தில், நடிகர் விஜய் சேதுபதி நடித்திருந்தார்.
‘வாத்தியார்’ என்ற கதாபாத்திரத்தில் படத்தின் முக்கிய தருணத்தில் தோன்றும் விஜய் சேதுபதியின் பிளாஷ்பேக் காட்சிகள் இரண்டாம் பாகத்தில் வெளியாகும் எனக் கூறப்பட்டது.
இந்த நிலையில், ‘விடுதலை 2’ திரைப்படம் தாமதமாவதற்கான காரணம் குறித்து இயக்குநர் வெற்றிமாறன் ஒரு நிகழ்ச்சியில் பேசி இருக்கிறார்.
அதில் “பனி பொழிவில் படத்தின் இறுதி காட்சிகளை படமாக்க 100 நாட்கள் சிரமப்பட்டோம். எனினும், 100 நாட்களுக்கு பிறகும் அக்காட்சிகளை படமாக்க முடியவில்லை. அதன் பிறகு தான் தெரிந்தது, நான் எடுக்கும் விதத்தில் தொடர்ந்தால் 4 ஆண்டுகள் ஆனாலும் அந்த காட்சிகளை படமாக்க முடியாது என்று.
எனவே, செயற்கை பனி பொழிவை பயன்படுத்தி அக்காட்சிகளை படமாக்கினோம். அதனால் தான் ‘விடுதலை 2’ திரைப்படம் தாமதம் ஆனது.” என்று கூறியுள்ளார்.
