நாடாளுமன்ற தேர்தலில் பதிவான வாக்குகள் எண்ணப்படும் ஜூன் 4 ஆம் தேதி இந்தியா ராகுல் காந்திக்கு இனிப்பான வெற்றியைத் தரும் என்று தமிழக முதல்வர் மு.க.ஸ்டாலின் பதிவிட்டுள்ளது இணையத்தில் வைரலாகி வருகிறது.
நாடு முழுவதும் 18 வது நாடாளுமன்ற தேர்தல் இம்மாதம் (ஏப்ரல்) 19 ஆம் தேதி தொடங்கி ஜூன் 2 ஆம் தேதி வரை ஏழு கட்டங்களாக நடைபெற உள்ளது. இதனை தொடர்ந்து ஜூன் 4 ஆம் தேதி வாக்கு பதிவு நடைபெற உள்ளது.
இந்த நிலையில், கோவை மாவட்டம் செட்டிபாளையத்தில் இண்டியா கூட்டணி சார்பில் நேற்று (ஏப்.12) மாலை நடந்த பிரம்மாண்ட பிரச்சாரப் பொதுக்கூட்டம் நடைபெற்றது.
அப்போது திமுக வேட்பாளர்கள் கணபதி ராஜ்குமார் (கோவை), ஈஸ்வரசாமி (பொள்ளாச்சி), காங்கிரஸ் வேட்பாளர் ஜோதிமணி (கரூர்) ஆகியோரை ஆதரித்து காங்கிரஸ் முன்னாள் தலைவர் ராகுல் காந்தி, தமிழக முதல்வர் மு.க.ஸ்டாலின் ஆகியோர் பிரசாரம் செய்து பேசினர்.
இதையும் படிங்க: ”பாஜகவின் Countdown ஸ்டார்ட்.. ” பிரதமரை அலறவிட்ட முதல்வர் ஸ்டாலின் ட்வீட்!
முன்னதாக, அந்த நிகழ்ச்சிக்கு வருகை தந்த ராகுல் காந்தி வழியில் கோவை சிங்காநல்லூர் காமராஜர் சாலையில் உள்ள இனிப்பகத்தில் மைசூர் பாக் வாங்கினார். அந்த இனிப்பை ஊழியர் ஒருவர் வழங்கிய இனிப்பை ருசித்ததோடு கடையில் இருந்த பெண் ஊழியர்களுடன் புகைப்படம் எடுத்துக் கொண்டார்.
பின்னர் பிரச்சாரத் திடலுக்கு ராகுல் வந்தபோது அவரை முதல்வர் ஸ்டாலின் அரவணைத்து வரவேற்றார். அப்போது அவரிடம் ராகுல் காந்தி இனிப்புகளைக் கொடுத்தார்.
இந்தக் காட்சிகள் அடங்கிய வீடியோ சமூக வலைதளங்களில் வெளியாகியுள்ள நிலையில் அதனை டேக் செய்து முதல்வர் ஸ்டாலின் பதிவிட்டுள்ள டிவிட்டர் பதிவில், “அன்பிற்கும் உண்டோ அடைக்கும்தாழ்! எனது சகோதரரின் இனிய செயலால் நான் பரவசமடைந்தேன். ஜூன் 4 ஆம் தேதி இந்தியா அவருக்கு இனிப்பான வெற்றியைத் தரும்” என்று பதிவிட்டுள்ளார்.தற்பொழுது இந்த பதிவு இணையத்தில் வைரலாகி வருகிறது.
