ஜூனியர் என்டிஆர் நடித்துள்ள தேவரா படத்தின் தாவூதி வீடியோ பாடல் வெளியாகி ரசிகர்கள் மத்தியில் அமோக வரவேற்பை பெற்று வருகிறது.
தெலுங்கில் இருக்கும் முன்னணி நடிகர்களில் ஒருவராக வலம் வருபவர் நடிகர் ஜூனியர் என்டிஆர் . ஆஸ்கர் விருது வரை சென்ற ‘ஆர்ஆர்ஆர்’ திரைப்படத்தில் இவரது நடிப்பை கண்டு பாராட்டாத ஆட்களே இருக்க முடியாது.
வசூல் ரீதியாகவும் விமர்சன ரீதியாகவும் மாபெரும் வெற்றி படமாக உருவெடுத்த இப்படத்திற்கு பின் ‘ஆச்சார்யா’ படத்தை இயக்கிய இயக்குநர் கொரட்டலா சிவா உடன் தற்போது ஜூனியர் என்டிஆர் கைகோர்த்து நடித்துள்ள திரைப்படமே தேவரா.
Also Read : தமிழகத்தில் 3 இடங்களில் புதிய சுங்கச்சாவடிகள்..!!
இப்படத்தில் ஜூனியர் என்டிஆர் உடன் ஜோடியாக பிரபல பாலிவுட் நடிகை ஜான்வி கபூர் நாயகியாக நடித்துள்ளார் மேலும் இவர்களுடன் சேர்ந்து பிரகாஷ்ராஜ், சைஃப் அலிகான் முக்கியமான கதாபாத்திரத்தில் நடிக்கின்றனர்.
இந்நிலையில் இப்படம் குறித்த அப்டேட்டுகள் வரிசையாக வெளியாகி வரும் நிலையில் தற்போது இப்படத்தின் தாவூதி வீடியோ பாடல் வெளியாகி ரசிகர்கள் மத்தியில் நல்ல வரவேற்பை பெற்று வருகிறது.
அதிரடி ஆக்சன் படமாக உருவாகி உள்ள இப்படத்தின் மீது ரசிகர்கள் மத்தியில் ஏராளமான எதிர்பார்ப்புகள் நிலவி வரும் நிலையில் இப்படம் ரசிகர்களை கவர்ந்து மாபெரும் வெற்றி படமாக உருவெடுக்குமா இல்லையா என்பதை நாம் காத்திருந்த தான் பார்க்க வேண்டும்.
