படையப்பா (Padayappa) படத்தில் முதலில் ஹீரோயினாக நடிக்க இருந்தது சௌந்தர்யா இல்லையாம்..
அபூர்வ ராகங்கள் படம் மூலம் அறிமுகமான நடிகர் ரஜினி காந்த் சில ஆண்டுகளிலேயே தமிழ் சினிமாவின் சூப்பர் ஸ்டாராக மாறினார். இந்தியாவின் உச்ச நடிகர்களில் ஒருவராக, கிட்டத்தட்ட 45 ஆண்டுகளாக சூப்பர் ஸ்டாராகவே இருந்து வருகிறார்.
90களில் வெளியான முத்து, பாட்ஷா, அண்ணாமலை, படையப்பா ஆகியாவை மெகா ஹிட் படங்களாக அமைந்தது.
இன்னும் சொல்லப் போனால் 1999-ம் ஆண்டு வெளியான ‘படையப்பா’ படத்திற்கு பின்னர் தான் தமிழ் சினிமாவில் நடிகர் ரஜினியின் ஆதிக்கம் உச்சம் பெற்றது.
கே.எஸ். ரவிக்குமார் இயக்கிய படையப்பா படத்தில் ரஜினிகாந்த், சௌந்தர்யா, ரம்யா கிருஷ்ணன், நாசர், சிவாஜி கணேசன், லக்ஷ்மி உள்ளிட்ட பலர் முக்கிய கதாப்பாத்திரங்களில் நடித்தனர்.
இதையும் படிங்க : Cameo : தனுஷ் படத்தில் கேமியோ ரோலில் நடிக்கும் ரஜினி-கமல்!
குறிப்பாக, இந்த படத்தில் “நீலாம்பரி” என்ற நெகட்டிவ் கேரக்டரில் ரம்யா கிருஷ்ணன் நடிப்பில் மிரட்டி இருப்பார்.
நீலாம்பரி கேரக்டருக்கு பின்னரே பெண் வில்லிகளின் கேரக்டர்கள் தமிழ் சினிமாவில் அதிகமாக வரத் தொடங்கியது.
படையப்பா படத்தில் ரஜினி – சௌந்தர்யா இடையேயான கெமிஸ்ட்ரி ரசிகர்களை வெகுவாக ஈர்த்தது. ஆனால், படையப்பா படத்தில் முதலில் ஹீரோயினாக நடிக்க இருந்தது சௌந்தர்யா இல்லையாம்
முதலில் படையப்பா (Padayappa) படத்தில் ரஜினிக்கு ஜோடியாக நடிகை சிம்ரனை தான் நடிக்க வைக்க இயக்குனர் கே.எஸ். ரவிக்குமார் முடிவு செய்தாராம்.
ஆனால், அப்போது சிம்ரன் படு பிஸியாக இருந்ததால் அவரால் அந்த படத்தில் நடிக்க முடியவில்லை என்று கூறப்படுகிறது.
அதன் பின்னர் நடிகை மீனாவை இயக்குனர் அணுகிய போது ஒரு சில காரணங்களால் அவராலும் இந்த படத்தில் நடிக்க முடியவில்லையாம்.
இதையும் படிங்க : தலைக்கு மேல் கத்தி..!- கூட்டணி குழப்பத்தில் மாம்பழக் கட்சி
பின்னர் நடிகை நக்மாவிடம் கதை கூறிய நிலையில், அவருக்கு கதை பிடித்து போகவே இந்த படத்தில் நடிக்க சம்மதம் தெரிவித்துள்ளார்.
ஒரு சில காட்சிகள் எடுக்கப்பட்ட பிறகு ரம்யா கிருஷ்ணனின் நீலாம்பரி கேரக்டருக்கு தான் படத்தில் அதிக முக்கியத்துவம் இருக்கிறது என்றும், எனவே எனக்கு இந்த படத்தில் நடிக்க போதிய ஸ்பேஸ் இருக்காது என்றும் கூறி நக்மா திடீரென விலகி விட்டாராம்.
அதன் பின்னர் கடைசியாக தான் அந்த கேரக்டரில் நடிகை சௌந்தர்யா கமிட்டாகி நடித்தாராம்.