veeramani statement-ஒன்றிய பி.ஜே.பி. அரசின் இடைக்கால பட்ஜெட்டின் அவலம் பட்ஜெட்டில் ‘‘ஜாதிகளைப்’’பற்றிப் பேசலாமா? என திராவிடர் கழகத் தலைவர் கி.வீரமணி கேள்வியெழுப்பியுள்ளார்.
இது குறித்து திராவிடர் கழகத் தலைவர் கி.வீரமணி அறிக்கை வெளியிட்டுள்ளார்.அந்த அறிக்கையில்,
🔺நாட்டின் பட்ஜெட் என்பது எத்தகையதாக இருக்கவேண்டும்?
நாட்டின் ‘பட்ஜெட்’ என்பது அனைத்துத் தரப்பு மக்களுக்கும் புதிய நம்பிக்கை, வளர்ச்சி, முன்னேற்றத்திற்கான பொருளாதாரத் துறையில் தொடர்ந்து முன்னேறி, பல திருப்பங்களை
உருவாக்கி, மாற்றத்தை ஏற்படுத்திடும் அனைவருக்கும் அனைத்தும் தருவதாக அமைவதே, மக்கள் நல ஆட்சிக்கான சான்றாகும்.
இந்த அம்சத்தை இந்த பி.ஜே.பி. ஆட்சி பட்ஜெட்டில் பூதக்கண்ணாடி, நுண்ணாடி வைத்துத் தேடினாலும் கிடைக்காத நிலையில், மதச் சார்பின்மை, சமதர்மம் என்ற சோசலிசம்,
ஜனநாயகம் காணாமற்போகும் வகையான சட்டங்களையும், திட்டங்களையும் கொண்டு வருவதையே வெளிச்சம் போட்டுக் காட்டியுள்ளனர்.
ஆரம்பத்தில் கொடுத்த வாக்குறுதிகளை கொடுத்தவர்களே – அதுவும் பொறுப்பான அரசு முக்கிய பதவிகளில் உள்ளவர்களே, ‘‘ஃஜூம்லா’’ என்று கூறிய ஒப்புதல் வாக்குமூலம் இவ்வாட்சிக்கு பெருமை தருவதாகுமா?
மனச்சாட்சியோடு சிந்தித்தால், மறைத்த உண்மைகள் அவர்களுக்கே புரியும்! உண்மையாக வினையாற்றுவதற்குப் பதிலாக ‘வித்தை’காட்டும் வகையிலேயே பட்ஜெட் அறிவிப்புகளில் பலவும் உள்ளன!
இதையும் படிங்க:Bharat Ratna Award-” பாஜக பீஷ்ம பிதாமகர்’ அத்வானி..” வானதி ஸ்ரீனிவாசன் வாழ்த்து
🔺 இது ஒரு கார்ப்பரேட்டுகளுக்கான ஆட்சி!
கார்ப்பரேட் ஆட்சி இது என்று சாதாரண மக்களுக்கும் புரியும் வகையில், பெருமுதலாளிகளுக்குப் பல சலுகைகள், சட்டத் திருத்தங்கள் உள்பட நடைபெற்று, அவர்கள்
கொழுத்த திமிலங்களாகியுள்ள கதை நாடாளுமன்றத்திலே ஒலித்தது!
பல பொதுத் துறை நிறுவனங்கள் அவர்களது குத்தகைக்கோ, உடைமைகளாக (
விற்பனைமூலம்) ஆக்கப்பட்டதுதான் 10 ஆண்டுகால மோடி ஆட்சியின் மிகப்பெரும் சாதனை!
ஓர் எடுத்துக்காட்டு.
வருமான வரியில் உச்சவரம்பில் மாற்றம் இருக்கும் என்று எதிர்பார்த்த நடுத்தர மக்களுக்கு மிஞ்சியது – ஏமாற்றமே! ஏற்கெனவே உள்ள 7 லட்சமே வரி விலக்கு இவர்களுக்கு!
அதேநேரத்தில், பெரு நிறுவனங்களுக்கான கார்ப்பரேட் வரியை 30 சதவிகிதத்திலிருந்து 22 சதவிகிதமாக குறைத்து, அவர்களுக்கு வரிச் சலுகை!
இதையும் படிங்க:https://x.com/ITamilTVNews/status/1753744515750678602?s=20
🔺 பட்ஜெட்டில் ஜாதியைப்பற்றிக் குறிப்பிடுவதா?
பா.ஜ.க.வின் வருணாசிரம மனப்பான்பான்மையின் வெளிப்பாடு பட்ஜெட் உரையில் நன்கு பளிச்சென்று வெளியானதை நமது தமிழ்நாடு ‘திராவிட மாடல்’ முதலமைச்சர் மானமிகு மாண்புமிகு மு.க.ஸ்டாலின் அவர்கள் சரியாகச் சுட்டிக்காட்டியுள்ளார்.
‘
‘இந்த இடைக்கால நிதிநிலை அறிக்கையில், ஏழைகள், மகளிர், இளைஞர்கள் மற்றும் உழவர்கள் ஆகிய நான்கு பிரிவினருக்கும் அதிக முக்கியத்துவம் கொடுக்கப்படும் என்று கூறி,
இந்த நான்கு பிரிவினர்களையும், நான்கு ஜாதிகளை என்று குறிப்பிட்டிருப்பது மிகவும் கண்டனத்திற்குரியது.
ஒரு நாட்டின் நிதிநிலை அறிக்கையில், பிற்போக்குத்தனமான வருணாசிரம கருத்தைப் புகுத்துவது சமூகநீதிக்குப் புறம்பானது – மிகவும் கண்டிக்கத்தக்கது.
பட்ஜெட்டில்கூட பேத உணர்வு, உள்மனப் பிரதிபலிப்பாக தெறிக்கிறது! கோல்வால்கரின் கருத்து ஜாதியைத் தூக்கிப் பிடிப்பதுதானே!
மாநிலங்களுக்கு வளர்ச்சிக்கென எந்த தனி ஒதுக்கீடும் இல்லை! என்று (veeramani statement) கி.வீரமணி அறிக்கையில் குறிப்பிட்டுள்ளார்