பொறியியல் படிப்புகளில் சேர விண்ணப்பித்த மாணவர்களின் தரவரிசை பட்டியல் இன்று வெளியாகி நிலையில் ஜூலை 22 ஆம் தேதி முதல் பொறியியல் படிப்புகளுக்கான கவுன்சிலிங் நடைபெறும் என அறிவிக்கப்பட்டுள்ளது.
இதுகுறித்து தொழில்நுட்ப கல்வி இயக்குனர் வீரராகவ ராவ் வெளியிட்டுள்ள செய்தியில் கூறிருப்பதாவது :
தமிழ்நாட்டில் நடப்பாண்டுக்கான பொறியியல் கவுன்சிலிங் ஜூலை 22ஆம் தேதி தொடங்கி செப்.11ஆம் தேதி வரை நடைபெறவுள்ளது.
அரசுப் பள்ளி சிறப்பு இட ஒதுக்கீடு பிரிவினருக்கான கலந்தாய்வு 22 மற்றும் 23ல் நடைபெறுகிறது
மாற்றுத்திறனாளிகள், விளையாட்டு வீரர்களுக்கும் 22 மற்றும் 23ஆம் தேதி கலந்தாய்வு நடைபெறவுள்ளது
பொதுப்பிரிவு மாணவர்களுக்கு 25 முதல் 27 வரை கவுன்சிலிங் நடைபெறும்
அண்ணா பல்கலை.க்கு உட்பட்ட கல்லூரிகளில் பி.இ., பி.டெக் உள்ளிட்ட படிப்புகளுக்கு ஆன்லைனில் கவுன்சிலிங் நடைபெறும்
பொதுக் கல்வி, தொழில்முறைக் கல்வி, 7.5% இட ஒதுக்கீடு மாணவர்களுக்கு 29 முதல் செப்.3 வரை கலந்தாய்வு நடைபெறும்
பொறியியல் படிப்புகளுக்கான துணைக் கலந்தாய்வு செப்.6 முதல் செப்.8 வரை நடைபெறும் என தொழில்நுட்ப கல்வி இயக்குனர் வீரராகவ ராவ் வெளியிட்டுள்ள செய்தியில் தெரிவிக்கப்பட்டுள்ளது.
