விறுவிறுப்பாக நடைபெற்று வரும் யூரோ கால்பந்து சாம்பியன்ஷிப் தொடரின் அரையிறுதி போட்டியில் நெதர்லாந்து அணியை வீழ்த்திய இங்கிலாந்து அணி இறுதிப்போட்டிக்கு முன்னேறி உள்ளது.
கால்பந்து ரசிகர்கள் விரும்பி பார்க்கும் ஐரோப்பிய நாடுகளுக்கு இடையிலான யூரோ கோப்பை கால்பந்து போட்டிகள் ஜெர்மனியில் சிறப்பாக தொடங்கி நடைபெற்று வருகிறது .
Also Read : ஜிம்பாப்வே அணிக்கு எதிரான 3வது டி20 தொடர் – சொல்லியடித்த இந்திய அணி..!!
இந்த மாபெரும் தொடரில் இன்று நடைபெற்ற அரையிறுதி போட்டியில் நெதர்லாந்து – இங்கிலாந்து அணிகள் பலப்பரீட்சை நடத்தியது.
அனல் பறக்க ஆரம்பிக்கப்பட்ட இந்த போட்டியின் 7வது நிமிடத்திலேயே நெதர்லாந்து வீரர் சைமன்ஸ் கோல் அடித்து அணியை வெற்றிப்பாதைக்கு அழைத்துச் சென்றார். ஆனால் ஆட்டத்தின் 18வது மற்றும் 90வது நிமிடத்தில் இங்கிலாந்து வீரர்கள் ஹாரி கேன், ஒல்லி வாட்கின்ஸ் மாறி மாறி தலா ஒரு கோல் அடித்து அசத்தினர்.
இதன்மூலம் 2 – 1 என்ற கோல் கணக்கில் வெற்றி பெற்ற இங்கிலாந்து அணி இறுதிப்போட்டிக்கு முன்னேறி கெத்துக்காட்டியுள்ளது.
