2023 ஐபிஎல் தொடரின் இரண்டாம் சுற்று லீக் போட்டிகள் விறுவிறுப்பாக நடைபெற்று வருகின்றன. நேற்று உத்தரப்பிரதேச தலைநகர் லக்னோவில் நடைபெற்ற போட்டியில் கே.எல்.ராகுல் தலைமையிலான லக்னோ சூப்பர் ஜியாண்ட்ஸ் அணியும் பாப் டூ பிளஸ்ஸி தலைமையிலான ராயல் சேலஞ்சர்ஸ் பெங்களூரு அணி மோதி கொண்டனர்.
அப்போது பெங்களூரு ராயல் சேலஞ்சர்ஸ் மற்றும் லக்னோ சூப்பர் ஜெயண்ட்ஸ் அணிகளுக்கு இடையே நடந்த போட்டிக்குப் பிறகு, விராட் கோலி மற்றும் கவுதம் கம்பீர் இடையே கடும் வாக்குவாதம் ஏற்பட்டது. இது தொடர்பான வீடியோக்கள் சமூக வலைதளங்களில் வைரலாக பரவி வருகிறது. இவர்கள் இருவரின் நடத்தைக்கு அதிருப்தி தெரிவித்த பிசிசிஐ, போட்டி கட்டணத்தில் 100 சதவீதம் அபராதம் விதித்தது. ஆனால் யார் மீது தவறு என்று சமூக வலைதளங்களில் பலத்த விவாதம் நடந்து வருகிறது. தற்போது கர்நாடகாவிலும் அரசியல் வட்டாரத்திலும் பேசு பொருளாக மாறியுள்ளது.
இது குறித்து சமூகவலைத்தளங்களில் பலரும் விராட் கோலிக்கு ஆதரவு தெரிவித்துள்ளனர்.லக்னோ அணியின் ஆலோசகரான கவுதம் கம்பீர் கோபத்தை வெளிப்படுத்தியுள்ளார். இதுகுறித்து, கர்நாடகா மக்கள் தேர்தலில் தங்கள் கருத்துகளை பேச தயாராக உள்ளதாகவும், மே 13-ம் தேதி வரும் முடிவுகள் இதை நிரூபிக்கும் என்றும் ட்வீட் செய்து வருகின்றனர்.
இந்த நிலையில் ,இதற்கு காங்கிரஸ் மூத்த தலைவரும், கர்நாடக முன்னாள் முதல்வருமான சித்தராமையாவும் பதிலளித்துள்ளார். இந்த முறை ஐபிஎல் கோப்பையை ஆர்சிபி நிச்சயம் வெல்லும் என்றும், தேர்தலில் காங்கிரஸ் வெற்றி பெறும் என்றும் அவர் தெரிவித்துள்ளார்.
இந்த நிலையில் இந்த பிரச்சனை கர்நாடக தேர்தல் அரசியலிலும் எதிரொலிக்கத் தொடங்கி உள்ளது. டெல்லி எம்பியாக இருக்கும் கம்பீரிடம் தொகுதிக்கு சென்று வாக்களித்த மக்களுக்கு ஏதாவது செய்யுங்கள் என்று கோலி கூறியதாக சமூக வலைதளங்களில் ஒரு தகவல் அதிகளவில் பகிரப்பட்டு வருகின்றன.
இதனிடையே லக்னோவுக்கு எதிரான போட்டியில் ஆர்சிபி வெற்றி பெற்றது தெரிந்ததே. இந்த குறைந்த ஸ்கோரின் ஆட்டத்தில் முதலில் பேட் செய்த பெங்களூரு அணி 126 ரன்கள் எடுத்தது. ஆனால், அவர்கள் அபாரமாக பந்துவீசி லக்னோவை 108 ரன்களுக்கு ஆட்டமிழக்கச் செய்தனர்.
