Meteorological Department Warning : மீனவர்களுக்கு வானிலை ஆய்வு மையம் தற்போது முக்கிய அறிவிப்பு ஒன்றினை வெளியிட்டிருக்கிறது..
இதுகுறித்து சென்னை வானிலை ஆய்வு மையம் வெளியிட்டுள்ள அறிக்கையில்,
“தென் மாநிலங்களின் மேல், வளி மண்டல மேலடுக்கு சுழற்சி நிலவுகிறது. இதனால், தமிழகம், புதுச்சேரியில் சில இடங்களில் மிதமான மழை பெய்யும்.
ஆனால், வரும் ஜூன் 18-ம் தேதி வரையிலும், ஒரு வாரத்துக்கு பெரும்பாலான இடங்களில், கனமழைக்கு வாய்ப்பில்லை. சில இடங்களில் அதிகபட்ச வெப்ப நிலை இயல்பை விட, 3 டிகிரி செல்சியஸ் கூடுதலாக பதிவாகும்.
இதையும் படிங்க : அரசுப் பேருந்துகளை முறையாக இயக்க நடவடிக்கை எடுத்திடுக – ஜி.கே.வாசன்!
மன்னார் வளைகுடா, குமரிக்கடல், தமிழக கடலோர பகுதிகள், ஆந்திர கடலோரம், வடக்கு அந்தமான் பகுதிகளில், மணிக்கு, 65 கி.மீ., வேகத்தில் சூறாவளி காற்று வீசும்.
எனவே, வரும், 16ம் தேதி மீனவர்கள் இந்த பகுதிகளுக்குச் செல்ல வேண்டாம்”
முன்னதாக, தமிழக கடலோரப் பகுதிகளில், மணிக்கு 35 முதல் 45 கிமீ வேகத்திலும், இடையிடையே 55 கிமீ வேகத்திலும் வீசக்கூடும் என்று அறிவித்திருந்த நிலையில்,
தற்போது 65 கி.மீ. வேகத்தில் சூறாவளி வீசும் என்பதால், 16ம் தேதி மீனவர்களுக்கு கடலில் செல்ல தடை விதிக்கப்பட்டுள்ளது” என வானிலை மையம் தெரிவித்துள்ளது Meteorological Department Warning.
இதனிடையே, தென்மேற்கு பருவமழை கேரளாவைத் தொடர்ந்து கர்நாடகா, ஆந்திரா, கோவா, குஜராத், மத்திய பிரதேசம், ராஜஸ்தான் போன்ற மாநிலங்களை நோக்கி நகர்கிறது.
எனவே, இனிவரும் நாட்களில் வட மாநிலங்களில் பருவமழை கொட்டும் என்று இந்திய வானிலை ஆய்வு மையம் தெரிவித்துள்ளது குறிப்பிடத்தக்கது.