செப்டம்பர் 5-ம் தேதி இயக்குனர் வெங்கட் பிரபு இயக்கத்தில் நடிகர் விஜய் நடிப்பில் வெளியான ‘தி கோட்’ திரைப்படம் உலகம் முழுவதும் உள்ள திரையரங்குகளில் வெளியாகி வெற்றிநடை போட்டு வருகிறது.
கோட் படத்தில் விஜய்யுடன், பிரபு தேவா, பிரசாந்த், மோகன், சினேகா, மீனாட்சி சவுத்ரி, லைலா, யோகி பாபு உள்ளிட்டோர் நடித்திருந்தனர்.
படத்தில் விஜய் அப்பா மற்றும் மகன் என இரண்டு வேடங்களில் நடித்திருக்கிறார். இதில் மகன் கதாபாத்திரத்தில் வரும் இளைய தளபதியின் வயதை குறைத்து காட்டுவதற்காக டீ ஏஜிங் தொழில்நுட்பம் பயன்படுத்தப்பட்டுள்ளது.
படத்தில் மேலும் ஒரு ஹைலைட்டாக திரிஷா ‘மட்ட’ என்ற பாடலுக்கு நடனமாடியிருந்தார். இப்பாடலில் திரிஷாவின் நடனம் மற்றும் தோற்றம் ரசிகர்களால் மிகவும் ரசிகப்பட்டு சமூக வளைத்தளங்களிலும் ட்ரெண்டிங்கில் உளது.
இதையும் படிங்க : மிலாடி நபி: அரசியல் கட்சித் தலைவர்கள் வாழ்த்து!
இந்நிலையில், திரிஷாவுக்கு முன் மட்ட பாடலில் நடனமாட இயக்குனர் வெங்கட் பிரபு நடிகை ஸ்ரீலீலாவை தான் அணுகினார் என்று தகவல் வெளியாகியுள்ளது.
‘குண்டூர் காரம்’ படத்தில் ‘குச்சி மடத்தபெட்டி’ பாடலில் ஆடியிருந்த ஸ்ரீலீலாவின் நடனத்தை பார்த்து வெங்கட் பிரபு முதலில் அவரை அணுகியதாக கூறப்படுகிறது.
ஆனால் ஸ்ரீலீலா, கோட் படத்தின் ஒரு பாடலில் மட்டும் தோன்ற விரும்பாததால் அதை நிராகரித்ததாக கூறப்படுகிறது. ஆனாலும், அப்பாடலுக்கு திரிஷா நடனமாடியிருப்பது தான் பக்காவாக பொருந்தியிருக்கிறது என்பது விஜய் ரசிகர்களின் கருத்தாக உள்ளது.
