புதுச்சேரியில், நடிகர் விஜய் பிறந்தநாளை முன்னிட்டு அவரது ரசிகர்கள் நடுக்கடலில் பேனர் வைத்து வாழ்த்துகளை தெரிவித்துள்ளனர்.
நடிகர் விஜய் இன்று தனது 49வது பிறந்தநாளை கொண்டாடுகிறார். இந்த நிலையில் விஜய் பிறந்தநாளை முன்னிட்டு, அவரது ரசிகர்கள் நடுக்கடலில் பேனர் வைத்து வாழ்த்து தெரிவித்துள்ளனர்.
முன்னதாக, புதுச்சேரி பேருந்து நிலையம் உட்பட பல்வேறு இடங்களில், அவரது ரசிகர்கள் பேனர்களை வைத்து வாழ்த்து தெரிவித்துள்ளனர்.
இந்நிலையில் தற்போது கடற்கரை சாலையில், நடுக்கடலில் காந்தி சிலைக்கு பின்பு வைக்கப்பட்டுள்ள நடிகர் விஜயின் இந்த பேனர் கடற்கரைக்கு வரும் பொதுமக்கள் மற்றும் சுற்றுலா பயணிகளை கவனம் ஈர்த்து வருகிறது. அது மட்டுமல்லாமல் சிலர் இந்த பேனரை வீடியோ எடுத்து இணையத்திலும் பதிவிட்டு வருகின்றனர்.
மேலும், நடிகர் விஜயின் 49 வது பிறந்த நாளை முன்னிட்டு தமிழக முழுவதும் இருக்கக்கூடிய அவரது ரசிகர்கள் நலத்திட்ட உதவிகளையும் செய்து வருகின்றனர்.
இந்த நிலையில், மதுரையில் உள்ள ரசிகர்கள் சற்று வித்தியாசமாக இரவு வெயில் மழை என்று பாராமல் மக்கள் தேவைக்காக உணவு டெலிவரி செய்யும் ஊழியர்களுக்கு 220 ரூபாய்க்கு பெட்ரோல் மற்றும் அவர்களின் பசி போக்கும் வகையில் அவர்களுக்கு சிக்கன் பிரியாணியும் வழங்கினார்கள்.
பிரியாணியை பெற்றுக் கொண்ட ஊழியர்கள் பிரியாணியை உண்டு ஆனந்தத்தில் திகைத்தனர்.
