நடிகர் ஜோஜு ஜார்ஜ் இயக்கி நடித்துள்ள ‘பனி’ படத்தை பார்த்து நடிகர் கமல்ஹாசன் பாராட்டியுள்ளார். இது தொடர்பான புகைப்படங்கள் சமூக வலைதளங்களில் வைரலாகி வருகின்றன.
நடிகர் ஜோஜு ஜார்ஜ் இயக்கி நடித்துள்ள மலையாள திரைப்படம் பனி படம் கடந்த அக்டோபர் 24-ம் தேதி கேரளாவில் வெளியானது.
சாகர் சூர்யா, அபிநயா, அனூப் கிருஷ்ணன் உள்ளிட்ட பலர் நடித்துள்ள இப்படம் கலவையான விமர்சனங்களைப் பெற்றது. இந்தப் படத்துக்கு சாம் சிஎஸ், சந்தோஷ் நாராயணன், விஷ்ணு விஜய் ஆகியோர் இசையமைத்துள்ளனர்.
ஜோஜு ஜார்ஜ் இயக்குநராக அறிமுகமாகியுள்ள இந்தப் படத்தின் பட்ஜெட் ரூ.10 கோடி எனவும், இப்படம் திரையரங்குகளில் வெளியாகி தற்போது வரை மொத்தமாக ரூ.20 கோடியை வசூலித்துள்ளதாகவும் கூறப்படுகிறது.
இதனிடையே, இந்தப் படம் தமிழில் டப் செய்யப்பட்டு வெள்ளிக்கிழமை தமிழகத்தில் வெளியாக உள்ளது. இதையொட்டி நடிகர் கமல்ஹாசனுக்கு சிறப்பு காட்சி திரையிடப்பட்டது. படத்தை பார்த்து நடிகர் கமல், ஜோஜு ஜார்ஜை பாராட்டியுள்ளார்.
இது தொடர்பான புகைப்படங்கள் சமூக வலைதளங்களில் வைரலாகி வருகின்றன. மேலும், மணிரத்னம் இயக்கத்தில் கமல் நடித்துள்ள ‘தக் லைஃப்’ படத்தில் முக்கிய கதாபாத்திரத்தில் ஜோஜு ஜார்ஜ் நடித்துள்ள குறிப்பிடத்தக்கது.
