கர்நாடக தேர்தலில் காங்கிரஸ் கட்சிக்கு வாக்களித்த மக்களுக்கு கர்நாடக மாநில காங்கிரஸ் கட்சி தலைவர் டி.கே.சிவக்குமார் ஆனந்த கண்ணீர் மல்க நன்றி தெரிவித்துள்ளார்.
கர்நாடகா மாநில தேர்தல் முடிவுகள் காலை முதல் வெளியாகி வருகின்றன.இந்த நிலையில் 224 இடங்களில் ஆட்சியமைக்க 113 தொகுதிகள் தேவை என்றபட்சத்தில் காங்கிரஸ் 130 தொகுதிகளில் முன்னிலையில் இருந்து வருகிறது.
கர்நாடகாவில் ஆளுங்கட்சியான பாஜக 67 தொகுதிகளில் முன்னிலையில் இருந்து வருகிறது.இதனை தொடர்ந்து காங்கிரஸ் கட்சி தொடர்ச்சியாக முன்னிலையில் உள்ளதாக காங்கிரஸ் கட்சியினர் பட்டாசு வெடித்தும் இனிப்பு வழங்கியும் கொண்டாடி வருகின்றனர்.
இந்த நிலையில் செய்தியாளர்களை சந்தித்த கர்நாடக மாநில காங்கிரஸ் கட்சியின் தலைவர் டி.கே.சிவக் குமார் ஆனந்த கண்ணீர் மல்க பேசினார். அப்போது .இந்த வெற்றி பாஜகவிற்கு கிடைத்த பெரிய தோல்வி. காங்கிரஸ் கட்சிக்கு வாக்களித்த மக்களுக்கு நன்றி.
சோனியா காந்தி, ராகுல் காந்தி, பிரியங்கா காந்தி மற்றும் மல்லிகார்ஜுன் கார்கே ஆகியோரிடம் இந்த தேர்தலில் கர்நாடகாவை காப்பாற்றுவேன் என்று உறுதியளித்திருந்தேன்.அது நிறைவேறியதாக கண்ணீர்மல்க அனைத்து தலைவர்களுக்கும் நன்றி” என டி.கே.சிவக்குமார் தெரிவித்துள்ளார்.
