இந்திய சினிமாவின் மிக முக்கிய இயக்குநராக உருமாறி வரும் லோகேஷ் கனகராஜ் தற்போது தளபதி விஜய்யுடன் இரண்டாவது முறையாக கைகோர்த்து லியோ என்ற படத்தை இயக்கி வருகிறார் . இந்த படம் LCU-வில் இடம்பெறுமா இல்லையா என்பதை காண ரசிகர்கள் செம ஆவலாக உள்ளனர் .
![](https://i0.wp.com/itamiltv.com/wp-content/uploads/2023/06/image-62.png?resize=1024%2C768&ssl=1)
அசுர வேகத்தில் உருவாக்கி வரும் இப்படத்தின் முதற்கட்ட படப்பிடிப்பு கடும் குளிரில் காஷ்மீரில் நடைபெற்றது . இதையடுத்து இப்படத்தின் இரண்டாம் கட்ட படப்பிடிப்பு சென்னையின் முக்கிய இடங்களில் நடைபெற்று வருகிறது .
செவன் ஸ்கிரீன் ஸ்டூடியோஸ் தயாரிக்கும் இந்த படத்திற்கு ,ராக்ஸ்டார் அனிருத் இசையமைக்கவுள்ளார். மேலும் இப்படத்தில் தளபதி விஜய்யுடன் சேர்ந்து திரிஷா, அர்ஜுன், சஞ்சய் தத், பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், டான்ஸ் மாஸ்டர் சாண்டி, மேத்யூ தாமஸ் உள்ளிட்ட பல முன்னணி நட்சத்திரங்கள் முக்கிய கதாபாத்திரத்தில் நடிக்கின்றனர்.
முழுவீச்சில் உருவாகி வரும் லியோ படத்தில் இருந்து ஒவ்வொரு அப்டேட்டும் ரசிகர்கள் கேட்காமலேயே எதிர்பாராத சமயத்தில் லோகேஷ் வெளியிட்டு வருகிறார் . சமீபத்தில் லியோ படத்தில் வேலை செய்த அனைவரையும் பாராட்டும் விதமாக வீடியோ ஒன்றை படக்குழு வெளியிட்டிருந்தது . அந்த வீடியோவை பார்த்த பலரும் லோகேஷின் இந்த பண்பை கண்டு பாராட்டினர்.
இந்நிலையில் நம்ப தளபதியின் பிறந்த நாளான ஜூன் 22ம் தேதி லியோ படத்தின் கிளிம்ப்ஸ் வீடியோ வெளியிட திட்டமிட்டுள்ளதாக ஒரு தகவல் வெளியாகியுள்ளது . இதற்கு முன் லோகேஷ் இயக்கத்தில் கமல்ஹாசன் நடிப்பில் வெளியான ’விக்ரம்’ படத்தின் கிளிம்ப்ஸ் வீடியோ கமலஹாசனின் பிறந்த நாளில் வெளியான நிலையில் விஜய்யின் பிறந்த நாளன்று அவரது ரசிகர்களுக்கு ட்ரீட் கொடுக்கும் விதமாக இந்த வீடியோ வெளியாகும் என கூறப்படுகிறது.
இருப்பினும் இந்த அப்டேட் குறித்து எந்த ஒரு அதிகாரபூர்வ அறிவிப்பும் வெளியாகாத நிலையில் இந்த தகவல் உண்மையாக இருக்க கூடாதா என ரசிகர்கள் ஏக்கத்தில் உள்ளனர்.
ஒருவேளை தளபதியின் பிறந்த நாளன்று லியோ அப்டேட் மட்டும் வந்துவிட்டால் அது நிச்சயம் ரசிகர்களுக்கு செம ட்ரீட்டாக இருக்கும் என்பதில் எந்தவித சந்தேகமும் இல்லை .