chife minister Stalin congrats to students : தமிழகத்தில் இன்று (10.06.24) கோடை விடுமுறை முடிந்து பள்ளி திரும்பும் மாணவர்களுக்கு தமிழக முதல்வர் மு.க.ஸ்டாலின் வாழ்த்து தெரிவித்துள்ளார்.
முன்னதாக தமிழகத்தில் கோடை விடுமுறை முடிந்து பள்ளிகள் ஜுன் 10 ஆம் தேதி திறக்கப்படும் என பள்ளிகல்வித்துறை அறிவித்திருந்தது.
அதன்படி தமிழகத்தில் இன்று அனைத்து பள்ளிகளும் திறக்கப்பட்டன. விடுமுறை முடிந்து குழந்தைகள் புன்னகையுடனும் பள்ளிக்கு செல்வதை காண முடிகிறது.
இதையும் படிங்க : சீமான் கட்சி கொடியில் இருப்பது புலி அல்ல பூனை – வீரலட்சுமி ஆவேசம்!
இந்நிலையில், தமிழ்நாடு முதல்வர் மு.க ஸ்டாலின் தனது எக்ஸ் தளத்தில் வெளியிட்டுள்ள பதிவில் (chife minister Stalin congrats to students),
“கோடை விடுமுறை முடிந்து இன்று பள்ளி திரும்பும் குழந்தைகள் அனைவருக்கும் இக்கல்வியாண்டு இனிதே அமைய வாழ்த்துகிறேன்.
பெற்றோர்களும், ஆசிரியர்களும் மீண்டும் வகுப்பறைக்குள் அடியெடுத்து வைக்கும் மாணவச் செல்வங்களின் மனநிலை – உடல்நிலை ஆகியவற்றில் கவனம் செலுத்தி,
வாசிப்பிலும் விளையாட்டிலும் மாணவர்களுக்கு ஊக்கமூட்டி மகிழ்ச்சியோடு இருக்கும்படி பார்த்துக் கொள்வீர்கள் என்று நம்புகிறேன்” எனத் தெரிவித்துள்ளார்.
