வீட்டுக்கு வந்த பார்சலில் ஆண் சடலம் – ஆந்திராவில் நடந்த பகீர் சம்பவம்..!!

ஆந்திராவில் பெண் ஒருவரின் வீட்டிற்கு வந்த பார்சலில் ஆண் சடலம் இருந்த சம்பவம் பெரும் பரபரப்பை ஏற்படுத்தி உள்ளது.

ஆந்திர மாநிலம் மேற்கு கோதாவரி மாவட்டம் யண்டகண்டி என்ற பகுதியில் வசிக்கும் துளசி என்பவரின் வீட்டிற்கு பார்சல் ஒன்று வந்துள்ளது . என்னவென்று தெரியாமல் அந்த பார்சலை எடுத்து பிரித்து பார்த்தபோது அந்த பார்சலில், பாதி வெட்டப்பட்ட அடையாளம் தெரியாத ஒரு ஆணின் சடலம் இருந்துள்ளது .

Also Read : வெற்றி பெற்றதா வெற்றிமாறனின் விடுதலை 2 – ரசிகர்களின் X தள REVIEW..!!

கோரமான நிலையில் இருந்த அந்த சடலத்தை பார்த்து அதிர்ச்சி அடைந்த பெண் உடனே போலீசாருக்கு தகவல் கொடுத்துள்ளார் . தகவல் அறிந்து சம்பவ இடத்திற்கு விரைந்து வந்த போலீசார் அந்த பார்சலுடன்
வந்த ஒரு கடிதத்தையும் கைப்பற்றினர் .

அந்த கடிதத்தில் 1.30 கோடி பணம் கொடுக்க வேண்டுமெனவும், இல்லையேல் பல பிரச்னைகளை சந்திக்க நேரிடும்’ எனவும் எச்சரிக்கை விடுக்கப்பட்டிருந்தது. இதையடுத்து இச்சம்பவம் தொடர்பாக போலீசார் தற்போது தீவிர விசாரணை மேற்கொண்டு வருகின்றனர்.