கடலூர் (cuddalore) மாவட்டம், விருதாச்சலம் கடலூர் சாலை பகுதியில் 23 வயதாகும் முகேஷ் ராஜ் என்பவர் வசித்து வருகிறார். இவருக்கும் கிருத்திகா என்ற 23 வயது பெண்ணிற்கும் திருமணமாகி 7 ஆண்டுகள் ஆகிறது. இந்த தம்பதிக்கு இரண்டு பெண் குழந்தைகளும் உள்ளனர்.
கடலூர் (cuddalore) மாவட்த்தில், முகேஷ் ராஜ் அவினாசியில் வேலை பார்த்து வருகிறார். இந்நிலையில், இவரது தாயார் ஆண்டாளுக்கு மருமகள் கிருத்திகாவின் நடத்தையில் சந்தேகம் ஏற்பட்டுள்ளது. இதனால், இருவருக்கும் இடையே அடிக்கடி தகராறு ஏற்பட்டுள்ளது.
இதனை அடுத்து சம்பவத்தன்று கிருத்திகா அதிகாலையில் வீட்டில் படுத்து உறங்கிக் கொண்டிருந்துளார். அப்போது, வீட்டின் கழிவறையில் வைக்கப்பட்டிருந்த ஆசிடை எடுத்து வந்த அவரது மாமியார் ஆண்டாள், உறங்கிக் கொண்டிருந்த கிருத்திகாவின் மீது ஊற்றியுள்ளார்.
கிருத்திகாவின் முகம், கண், காது, உடல், மர்ம உறுப்புகளிலும் ஊற்றியுள்ளார். அதோடு விடாமல், கொசுவிரட்டி மருந்தையும் எடுத்து வந்து கிருத்திகாவின் வாயில் ஊற்றி அவரை கொலை செய்ய முயற்சி செய்துள்ளார்.
இந்நிலையில், கிருத்திகாவின் வலி தாங்காமல் அலறிய கிருத்திகாவின் அலறல் சத்தம் கேட்டு வந்த அக்கம் பக்கத்தினர், கிருத்திகாவை உடனடியாக மீட்டு 108 ஆம்புலன்ஸ் மூலம் விருதாச்சலம் மருத்துவமனைக்கு அனுப்பி வைத்தனர்.
அங்கிருந்து மேல் சிகிச்சைக்காக கிருத்திகா கடலூர் அரசு மருத்துவமனைக்கு அனுப்பி வைக்கப்பட்டார். மேலும், அங்கிருந்த மருத்துவர்கள் கிருத்திகாவை பரிசோதித்த போது ஆசிட் ஊற்றப்பட்டதால் கிருத்திகாவின் வலது கண் பார்வை இழந்திருப்பதை கண்டறிந்தனர்,
இதனை அடுத்து கிருத்திகாவிற்கு அறுவை சிகிச்சை செய்ய புதுவை மருத்துவமனைக்கு அனுப்பி வைத்தனர். இது தொடர்பான புகாரின் அடிப்படையில் விருதாச்சலம் காவல்துறையினர் கிருத்திகாவின் மாமியார் ஆண்டாளையும் அவரது கணவரையும் கைது செய்து விசாரணை மேற்கொண்டு வருகின்றனர்.