udhayanidhi campaigning | நாளை தனது இரண்டாம் கட்ட பிரசாரத்தை தொடங்கும் உதயநிதி, 31ஆம் தேதி புதுச்சேரியில் பிரசாரத்தில் ஈடுபட உள்ளதாக தெரிவிக்கப்பட்டுள்ளது.
நாடாளுமன்ற தேர்தலில் திமுக கூட்டணி வேட்பாளர்களை ஆதரித்து தமிழகத்தில் திமுக இளைஞரணி மாநில செயலாளர் உதயநிதி ஸ்டாலின் தேர்தல் பிரசாரத்தில் ஈடுபட்டு வருகிறார். 23ஆம் தேதி ராமநாதபுரம் தொகுதி திருச்சுழியில் பிரசாரத்தை தொடங்கியவர், விருதுநகர், தேனி, திண்டுக்கல், மதுரை, காஞ்சிபுரம், ஆரணி மற்றும் திருவண்ணாமலை, வேலூர், அரக்கோணம், திருப்பெரும்புதூர் பகுதிகளில் வேட்பாளர்களுக்கு ஆதரவாக வாக்கு சேகரிப்பில் ஈடுபட்டார்.
இதையும் படிங்க: பிரச்சார SHORT BREAK கூழ் குடித்த உதயநிதி..!!
இதைத் தொடர்ந்து நம் அடுத்தக்கட்ட சுற்றுப்பயணத்தை திருவள்ளூர் மக்களவைத் தொகுதி பொன்னேரியில் வரும் 29 ஆம் தேதி தொடங்கவிருப்பதாக உதயநிதி தெரிவித்துள்ளார்.
நாளை (29-03-2024) வெள்ளிக்கிழமை பொன்னேரி ,ஆவடி, ஆலந்தூர், தாம்பரம், செங்கல்பட்டு பகுதிகளிலும், 30ஆம் தேதி மதுராந்தகம், விழுப்புரம், கள்ளக்குறிச்சி, விருத்தாசலம், ஜெயங்கொண்டம், காட்டுமன்னார் கோவில் ஆகிய இடங்களிலும் வேட்பாளரை ஆதரித்து பிரசாரம் மேற்கொள்கிறார்.
31ஆம் தேதி ஞாயிற்றுக்கிழமை அன்று காலையில் சிதம்பரம், கடலூரில் பிரசாரம் செய்யும் உதயநிதி, மாலை 4.30 மணிக்கு புதுவைக்கு வருகிறார். புதுச்சேரியி வில்லியனூர் கிழக்கு மாட வீதி சந்திப்பு, மரப்பாலம் சந்திப்பு, அண்ணாசதுக்கம் பகுதிகளில் புதுச்சேரி பாராளுமன்ற தொகுதியில் இந்தியா கூட்டணியில் காங்கிரஸ் கட்சி சார்பில் போட்டியிடும் வைத்திலிங்கம் எம்.பிக்குஆதரவாக பிரசாம மேற்கொள்கிறார்.
