ராஜ் தொலைக்காட்சி மூத்த ஒளிப்பதிவாளர் சத்யநாராயணன் மறைவுக்கு, சென்னை பத்திரிகையாளர் மன்றம் ஆழ்ந்த இரங்கலைத் தெரிவித்துள்ளது.
ராஜ் தொலைக்காட்சியில் கடந்த 26 ஆண்டுகளாக ஒளிப்பதிவாளராக சிறந்த முறையில் பணியாற்றி வந்தவர் மூத்த ஒளிப்பதிவாளர் சத்யா என்கிற சத்தியநாரயணன் (வயது 51). கடந்த சிறிது காலம் உடல் நலமின்றி மருத்துவ சிகிச்சைப் பெற்று வந்துள்ளார். இந்தநிலையில் சிகிச்சைப் பலனின்றி இன்று (வெள்ளிக்கிழமை) இயற்கை எய்தினார்.
![](https://i0.wp.com/itamiltv.com/wp-content/uploads/2024/05/rajtv-cameramen.jpeg?resize=760%2C1024&ssl=1)
சத்யாவின் மறைவுச் செய்தி பெரும் அதிர்ச்சியையும் வேதனையையும் தருகிறது. ஒளிப்பதிவாளர் சத்யாவின் மறைவுக்கு சென்னை பத்திரிகையாளர் மன்றம் சார்பில் ஆழ்ந்த இரங்கலைத் தெரிவித்துக் கொள்கிறோம்.
ஒளிப்பதிவாளர் சத்யா என்கிற சத்யநாரயணன் அவர்களை இழந்து வாடும் குடும்பத்தினர், உறவினர்கள், நண்பர்கள் அனைவருடனும் துயரத்தில் பங்கேற்கிறோம்.
இவ்வாறு சென்னை பத்திரிகையாளர் மன்றத்தின் செய்திக் குறிப்பில் தெரிவிக்கப்பட்டுள்ளது.