பெரியப்பா மரணத்துக்கு பழிக்குப் பழியாக நடுரோட்டில் இளைஞரை கொலை செய்த 5 பேர் கும்பலை போலீசார் கைது செய்து புழல் சிறையில் அடைத்துள்ளனர்.
![](https://i0.wp.com/itamiltv.com/wp-content/uploads/2024/05/murder.png?resize=750%2C450&ssl=1)
சென்னை வில்லிவாக்கத்தைச் சேர்ந்த சரத்குமார் அங்குள்ள மேம்பாலம் அருகே தனது இருசக்கர வாகனத்தில் சென்று கொண்டிருந்தார்.
அப்போது அவரை மர்ம நபர்கள் சிலர், கத்தி உள்ளிட்ட ஆயுதங்களுடன் வழிமறித்தனர்.
இதனால் விபரீதம் நடக்கப் போவதை உணர்ந்து சரத்குமார் அங்கிருந்த தப்பி ஓடியுளார்.
ஆனாலும் அவரை பின் தொடர்ந்து சென்ற மர்ம நபர்கள், பட்டாக் கத்தியால் சரமாரியாக வெட்டிவிட்டு அங்கிருந்து தப்பிச் சென்றனர்.
இதில் படுகாயமடைந்த சரத்குமார் கீழே சரிந்து ரத்த வெள்ளத்தில் மிதந்தார்.
பட்டப்பகலில் நடந்த விபரீத சம்பவம் குறித்து, அங்கிருந்த சிலர் ராஜமங்கலம் காவல் நிலையத்திற்குத் தகவல் கொடுத்தனர்.
போலீசார் சம்பவ இடத்துக்கு வந்த பார்த்தபோது சரத்குமார் உயிரிழந்தது தெரியவந்தது.
இதனைத் தொடர்ந்து அவரின் சடலத்தை பிரேதப் பரிசோதனைக்காக கீழ்ப்பாக்கம் அரசு மருத்துவமனைக்கு போலீசார் அனுப்பி வைத்தனர்.
மேலும், இந்த சம்பவம் தொடர்பாக வழக்குப் பதிந்து, குற்றவாளிகளை உடனடியாக கைது செய்யுமாறு காவல் துணை ஆணையாளர் பாண்டியராஜன் உத்தரவிட்டார்.
இதன்பின்னர் விசாரணையில் ஈடுபட்ட போலீசார் அங்கிருந்த சிசிடிவி காட்சிகளை ஆய்வு செய்தனர்.
அதில் பதிவாகி இருந்த காட்சிகளின் உதவியுடன் வில்லிவாக்கத்தை சேர்ந்த நிதீஷ் குமார், யோகேஸ்வரன், பெஞ்சமின், ரத்தினகுமார், பிரசாந்த் ஆகியோரை அடையாளம் கண்டனர்.
![](https://i0.wp.com/itamiltv.com/wp-content/uploads/2024/05/Murder-accust-1.jpeg?resize=1024%2C473&ssl=1)
இதனையடுத்து, ஊரை விட்டுத் தப்பிச் செல்ல முயன்ற இவர்களைப் பிடித்து போலீசார் விசாரணை மேற்கொண்டனர்.
விசாரணையில், பழிக்குப் பழியாக இந்த படுகொலையை செய்ததாக அவர்கள் தெரிவித்துள்ளனர்.
கடந்த 2019ஆம் ஆண்டு நிதீஷ் குமாரின் பெரியப்பா ஜானகி ராமன் என்பவரை சரத்குமார் கொலை செய்துள்ளார்.
அதற்குப் பழிதீர்க்கவே, தனது நண்பர்களான யோகேஸ்வரன், பிரசாந்த், ரத்தினகுமார், பெஞ்சமின் ஆகியோருடன் இணைந்து சரத்குமாரைக் கொலை செய்தது விசாரணையில் தெரியவந்துள்ளது.
இதன் பின்னர், அவர்கள் ஐந்து பேர் மீதும் வழக்குப் பதிவு செய்த ராஜமங்கலம் காவல்துறையினர், நீதிமன்றத்தில் ஆஜர்படுத்தினர்.
இதையடுத்து, இவர்கள் 5 பெரும் சென்னை புழல் சிறையில் அடைக்கப்பட்டு கம்பி எண்ணிக் கொண்டிருக்கின்றனர்.