பணம் கொடுக்காமல் நேர்மையாக களத்தில் நிற்கும் கட்சி என்று நாம் தமிழர் கட்சியைப் பாஜக மாநிலத் தலைவர் அண்ணாமலை பாராட்டியுள்ளார்.
சென்னையில் செய்தியாளர்களை சந்தித்த அண்ணாமலை, தமிழகத்தில் பாரதிய ஜனதா கட்சி வளந்திருக்கிறது எந்த மாற்றுக் கருத்தும் இல்லை.
மேலும் தேசிய ஜனநாயக கூட்டணியில் நாங்கள் மொத்தமாக சேர்ந்து வளர்ந்திருக்கிறோம். எங்கள் அனைவருக்கும் ஒரு எனக்கு இருந்தது இந்த முறை தேசிய ஜனநாயக கூட்டணி சார்பாக பாராளுமன்ற உறுப்பினர்களை வைக்க வேண்டும் என்கின்ற இலக்கு இருந்தது.
அந்த இலக்கு எங்களால் அடைய முடியவில்லை என்பது எங்களுக்கு வருத்தமே நம்முடைய தலைவர்கள் எல்லாம் களத்தில் இருந்தார்கள் மிகக் கடுமையாக போராடினோம்.
ஆனால் இங்கிருந்த பாராளுமன்ற உறுப்பினர்களை இந்த முறை அனுப்பி வைக்க வேண்டும் என்று நாங்கள் எதிர்பார்த்தது நடக்கவில்லை. வாக்கு சதவீதம் அதிகமாக இருக்கிறது என்று தெரிவித்தார்.
இதையும் படிங்க: “இப்பவும் நான் Over Confident தான்; 2026-ல் ஆட்சியை பிடிக்கப்போறோம்” – அண்ணாமலை!
தொடர்ந்து பேசிய அவர் நாம் தமிழர் கட்சியை பாராட்டுகிறேன். அரசியல் சித்தாந்த அடிப்படைகள் வாக்குவாதங்கள் நடைபெற்றாலும் கூட, நேர்மையாக தேர்தல் களத்தில் நின்று உள்ளனர். பணம் கொடுக்காமல் நின்றுள்ளனர்.
எல்லா இடத்திலும் கூட வேட்பாளரை நிறுத்தி ஒரு அடிப்படை கட்டமைப்பு இல்லாமல் தமிழகத்தில் நாம் தமிழர் கட்சி தேர்தலை சந்தித்துள்ளனர். மேலும் கூட்டணி இல்லாமல் தனித்து நின்று உள்ளனர்.
அதிலும் குறிப்பாக புதிய சின்னத்தில் தேர்தலை சந்தித்துள்ளனர்.மேலும் தேர்தல் களத்தில் நாம் தமிழர் கட்சி வேட்பாளர்கள் எவ்வளவு கஷ்டபட்டார்கள் என்பதை நான் நேரில் பார்த்தேன். அதனால் நாம் தமிழர் கட்சி பொறுத்தவரை தமிழகத்திற்கு அவர்களும் ஒரு புதிய செய்தியை தந்துள்ளனர் என்று தெரிவித்தார்.
திராவிட அரசியலில் இருந்து தமிழக மக்கள் வெளி வருவதாக நாம் தமிழர் கட்சி ஒரு புதிய செய்தியை தந்துள்ளனர் என்று அண்ணாமலை தெரிவித்தார். தொடர்ந்து பேசிய அவர், ” நாம் தமிழர் கட்சி சித்தார்தம் வேறு ,பாஜக சித்தார்தம் வேறு ,ஒருபோதும் பாஜவுடன் நாம் தமிழர் கட்சியை போட்டியாக கருத வேண்டாம்.
மேலும் தமிழக அரசியலில் நாம் தமிழர் கட்சியினர் நேர்மையாகவும் பணம் கொடுக்காமல் தேர்தலை சந்தித்துள்ளதால் நாம் பாராட்டு தான் ஆக வேண்டும் என்று தெரிவித்தார்.