NEET exam-உயிரே போனாலும் நீட் தேர்வை ரத்து செய்ய முடியாது என்று தமிழக பாஜக மாநில தலைவர் அண்ணாமலை திட்டவட்டமாக தெரிவித்துள்ளார்.
நாடு முழுவதும் 18 வது நாடாளுமன்ற தேர்தல் நாளை மறுநாள் நடைபெற உள்ள நிலையில்,இன்று மாலை 6 மணியுடன் தேதிகள் பிரச்சாரங்கள் நிறைவடையுள்ள நிலையில், அனைத்து அரசியல் கட்சிகளும் சூறாவளி பிரச்சாரத்தில் ஈடுப்பட்டுள்ளன .அந்த வகையில் பாஜகவிற்கு ஆதரவாக கோவை மாவட்டம் சூலூரில் பாஜக மாநில தலைவர் அண்ணாமலை பிரசாரம் மேற்கொண்டார்.
அப்போது கூட்டத்தில் இருந்த பெண்மணி ஒருவர் பாஜக ஆட்சிக்கு வந்தால் நீட் தேர்வு ரத்து செய்யப்படுமா ?என்று கேள்வி எழுப்பின்னார். அதற்கு பதில் அளித்த பாஜக மாநில தலைவர் அண்ணாமலை, உயிரே போனாலும் நீட் தேர்வை ரத்து செய்ய மாட்டோம். அது ஏழை மக்களுக்கு நல்லது .முதன் முதலாக ஏழை மாணவர்கள் நீட் தேர்வு மூலம் அரசு கல்லூரிகளுக்கு செல்கின்றனர் என்று தெரிவித்தார்.
இதையும் படிங்க: ”அரசுப்பள்ளி மாணவர்களுக்கு NEET Coaching” -தமிழக அரசின் புதிய அறிவிப்பு!
மேலும் 1967 ல் இருந்து தமிழகத்தில் அரசால் தற்பொழுவரை 5 மருத்துவ கல்லூரிகள்மற்றும் 15 தானியார் மருத்துவ கல்லூரிகள் மட்டுமே அமைக்கபட்டனர் என்று தெரிவித்தார்.
தொடர்ந்து பேசிய அவர், பாஜக ஆட்சியில் இதுவரை 17 அரசு மருத்துவ கல்லூரிகளை அமைத்தாகவும், ஒரு ஏழை குடும்பத்தின் பிள்ளை NEET தேர்வால் மட்டுமே அரசு கல்லூரிகளில் படிக்க முடியும் என்று தெரிவித்த அவர் ,ஏழை மாணவர்கள் போட்டி தேர்வு மூலம் சமூக நீதியோடு அரசு மருத்துவ கல்லூரிக்கு செல்ல வேண்டும் என்பதே நோக்கம்.
நீட் தேர்வை ரத்து செய்து அரசியலில் இருக்க வேண்டும் என்றால் அப்படி பட்ட அரசியல் தேவை இல்லை என்று திட்டவட்டமாக தெரிவித்தார்.
மேலும் நீட் தேர்வால் அதிக மாணவர்கள் தற்கொலை செய்து கொள்கிறார்களே என்ற பெண்மணியின் கேள்விக்கு,”திமுக அரசு தரும் தூண்டுதல்களால் தான் மாணவர்கள் தற்கொலை செய்து கொள்வதாக குற்றம்சாட்டினார்.