மயிலாடுதுறை மாவட்டத்தில் நீர்வளத்துறை தூர்வாரும் திட்டப்பணிகள் 2023-24 திட்டத்தின்கீழ் தூர்வாரும் பணி துவக்கம். ரூ.8.06 கோடி மதிப்பீட்டில் 51 பணிகளுக்கான தூர்வாரும் பணியை மாவட்ட ஆட்சியர் துவங்கி வைத்தார்.
மயிலாடுதுறை மாவட்டத்தில் நீர்வளத்துறை தூர்வாரும் திட்டப்பணிகள் 2023-24 ன் கீழ் காவிரி ஆறு, மகிமலையாறு, மஞ்சளாறு, வீரசோழனாறு, மண்ணியாறு, அய்யாவையனாறு, விக்ரமனாறு, மற்றும் தெற்குராஜன் ஆறுகளில் பிரியும் வாய்க்கால்கள் மற்றும் வடிகால்கள் தூர்வாரும் பணிகள் தொடங்கப்பட்டது.
தரங்கம்பாடி தாலுக்கா மேமாத்தூர் கிராமத்தில் வாழ்க்கை வாய்க்காலை தூர்வாரும் பணியை மாவட்ட ஆட்சியர் மகாபாரதி, பூம்புகார் சட்டமன்ற உறுப்பினர் நிவேதாமுருகன் ஆகியோர் தொடங்கி வைத்தனர். இதன் மூலம் மயிலாடுதுறை மாவட்டத்தில் 8.06 கோடி மதிப்பீட்டில் 749.74 கி.மீட்டர் தூரம் 51 தூர்வாரும் பணிகள் மேற்கொள்ளப்பட உள்ளது.
பின்னர் மாவட்ட ஆட்சியர் செய்தியாளர்களை சந்தித்தபோது அவர் கூறியதாவது பணிகளை விரைந்து முடிக்க ஒப்பந்ததாரர்களுக்கும், அதிகாரிகளுக்கும் அறிவுறுத்தப்பட்டுள்ளது. தூர்வாரும் பணி முறையாக நடைபெற விவசாயிகள் கொண்ட குழுக்கள் அமைக்கப்பட்டுள்ளது.
இந்த குழுவில் 5 முன்னோடி விவசாயிகள் மற்றும் உதவி செயற்பொறியாளர், வேளாண் அலுவலர் மற்றும் கிராம உதவியாளர் கொண்ட குழுக்கள் 51 பணிகளுக்கும் தனித்தனியே அமைக்கப்பட்டு பணியை மேற்பார்வை செய்ய உள்ளதாகவும், மேலும் தமிழக அரசு இந்தாண்டு தூர்வாரும் பணியை கண்காணிக்க புதிய ஆப் அறிமுகப்படுத்தி தினந்தோறும் நடைபெறும் பணிகளை பதிவு செய்வதன் முலம் அரசு இந்த பணிகளை நேரடியாக கண்காணிக்க முடியும். இதனால் விரைவாக பணிகள் முடிய நடவடிக்கை எடுக்கப்படும் என்றும மேலும் தூர்வாரும் பணியில் குறைகள் இருந்தால் புகார் அளித்தால் உடனடியாக நடவடிக்கை எடுக்கப்படும் என்று மாவட்ட ஆட்சியர் தெரிவித்தார்.