Nivetha Pethuraj : அமைச்சர் உதயநிதி நடிகை நிவேதா பெத்துராஜ்க்கு 50 கோடி ரூபாய்க்கு துபாயில் வீடு வாங்கி கொடுத்து இருக்கிறார் என்றும்,
உதயநிதி மீது நிவேதா பெத்துராஜ்க்கு Possessive இருக்கிறது என்றும், பிரபல அரசியல் விமர்சகர் சவுக்கு ஷங்கர் சமீபத்திய பேட்டி ஒன்றில் தெரிவித்து இருந்தார்.
இந்த விஷயம் சமூக வலைத்தளங்களில் வைரலாகி பரபரப்பை கிளப்பி வருகிறது.
இந்நிலையில், இந்த விவகாரம் தொடர்பாக நடிகை நிவேதா பெத்துராஜ் பதிவு ஒன்றை பதிவிட்டுள்ளார். அதில்,
“எனக்காக ஏகப்பட்ட பணம் செலவு செய்யப்படுவதாக பொய்யான செய்திகள் அண்மையில் பரப்பப்படுகிறது. நான் இது வரை அமைதியாக இருந்ததற்கான காரணம், இந்த விவகாரத்தை பற்றி பேசுபவர்கள்,
ஒரு பெண்ணின் வாழ்க்கையை கெடுக்கும் முன்னதாக, அதன் உண்மைத் தன்மையை ஆராய்வார்கள் என்று நினைத்தேன்.
இப்படியான போலி செய்திகளை பரப்பும் முன் கொஞ்சம் எங்களைப் பற்றி யோசியுங்கள்.
நானும் எனது குடும்பத்தினரும் சில நாட்களாக மிகுந்த மன அழுத்தத்தில் இருக்கிறோம்.
நான் மிகவும் கண்ணியமான குடும்பத்தில் இருந்து வந்தவள். 16 வயதில் முதல் நான் பொருளாதார ரீதியாக தன்னிச்சையாகவும், உறுதியாகவும் வாழ்ந்து வருகிறேன்.
நாங்கள் 2002 ஆம் ஆண்டு முதல், துபாயில் வாடகை வீட்டில் வசிக்கிறோம். நாங்கள் 20 வருடங்களுக்கும் மேலாக துபாயில் இருக்கிறோம்.
திரையுலகில் கூட, நான் இதுவரை எந்த தயாரிப்பாளரிடமோ, இயக்குநரிடமோ, ஹீரோவிடமோ நடிப்பதற்கு பட வாய்ப்புகளை கேட்டதில்லை.
நான் 20 படங்களுக்கு மேல் நடித்திருக்கிறேன். அந்த வாய்ப்புகள் தான் என்னை கண்டுபிடித்தது. நான் எப்போதும் வேலை அல்லது பணத்திற்காக பேராசை கொண்டதில்லை.
என்னைப் பற்றி இதுவரை பேசப்பட்ட எந்தத் தகவலும் உண்மை இல்லை என்பதை என்னால் உறுதிப்படுத்த முடியும்.
2013ம் ஆண்டு முதல் தான் ரேசிங் என்னுடைய ஆர்வமாக இருந்தது. சென்னையில் நடக்கும் பந்தயங்கள் குறித்து எனக்கு எதுவும் தெரியாது.
நானும் உங்கள் குடும்பத்தில் உள்ள பெண்களை போலவே வாழ்க்கையில் கடுமையான போராட்டங்களை சந்தித்து, இறுதியாக தான் மனரீதியாகவும், எமோஷனலாகவும் நல்ல இடத்தில் இருக்கிறேன்.
இப்படியே தொடர விரும்புகிறேன். தவறான செய்தியை பரப்பியதற்காக, நான் சட்டரீதியாக எந்த வித முன்னெடுப்பையும் எடுக்கப் போவதில்லை. ஏனென்றால், பத்திரிகை துறையில் இன்னும் கொஞ்சம் மனிதாபிமானம் இருக்கிறது.
இதையும் படிங்க : “எங்க டார்கெட்டே அதாங்க..!” -பிரேமலதா சொன்ன முக்கிய விசயம்
இனி இது போன்ற தவறான தகவல்களை யாரும் பரப்ப மாட்டார்கள் என்று நம்புகிறேன். ஒரு குடும்பத்தின் நற்பெயரைக் கெடுக்கும் முன்,
நீங்கள் பெறும் தகவல்களைச் சரிபார்த்து, எங்கள் குடும்பத்தை இனி எந்தக் காயங்களுக்கும் ஆளாக்க வேண்டாம் என்று பத்திரிகையாளர்களைக் கேட்டுக்கொள்கிறேன்.
எனக்காக குரல் கொடுத்த அனைவருக்கும் நான் மிகவும் நன்றியுடன் இருக்கிறேன்.” என்று பதிவிட்டு உள்ளார் நிவேதா பெத்துராஜ் (Nivetha Pethuraj).