பாகிஸ்தான் கடற்படையால் 19 இந்திய மீனவர்கள் கைது – வெளியுறவுத்துறை அதிர்ச்சி தகவல்

பாகிஸ்தான் கடற்படையால் 19 இந்திய மீனவர்கள் கைது செய்யப்பட்டுள்ளதாக மத்திய வெளியுறவுத்துறை அமைச்சகம் அதிர்ச்சி தகவலை வெளியிட்டுள்ளது .

7 தமிழ்நாடு மீனவர்களும், 6 மேற்கு வங்க மீனவர்களும், 1 ஒடிசா மீனவரும் உள்ளிட்ட 14 பேர் பாகிஸ்தான் கடற்படையால் கைது செய்யப்பட்டுள்ளதாக தகவல் வெளியாகி இருக்கும் நிலையில் மீதமுள்ள 5 மீனவர்கள் பற்றிய தகவல்கள் மத்திய அரசிடம் இல்லை.

Also Read : மாணவர்களின் உயிர்காத்த மலையப்பன் குடும்பத்திற்கு நிதியுதவி வழங்க முதல்வர் ஸ்டாலின் உத்தரவு.

நடப்பாண்டில் மட்டும் இலங்கை கடற்படையால் 251 தமிழ்நாட்டு மீனவர்களும், பாகிஸ்தான் கடற்படையால் 7 தமிழ்நாட்டு மீனவர்களும் கைது செய்யப்பட்டிருப்பதாக மக்களவையில் மத்திய வெளியுறவுத்துறை அமைச்சகம் தகவல் வெளியிட்டிருந்தது

இப்படி கைது செய்யப்பட்ட 251 மீனவர்களில் 183 பேரை இலங்கை அரசு விடுவித்துள்ளதாகவும், மீனவர்கள் யாரும் கொல்லப்படவில்லை எனவும் மத்திய வெளியுறவுத்துறை அமைச்சகம் கூறியுள்ளது.