தெலுங்கு திரையுலகின் பிரபல நடிகர் சந்திரமோகன் உடல்நல குறைவு காரணமாக இன்று காலை காலமானார்.
நடிகை ஸ்ரீப்ரியா தயாரித்து நடித்த, ‘நீயா’ படத்தில் இச்சாதாரி பாம்பாக நடித்தவர் சந்திரமோகன். எம்ஜிஆர் நடிப்பில் வெளிந்த ‘நாளை நமதே’ படத்தில் அவரது தம்பியாக நடித்து தமிழ் ரசிகர்களின் மனங்களை வென்றவர் பல படங்களில் கதாநாயகனாக கலக்கிய இவர் ‘பாட்ஷா’, ‘பொடுகாடு’ போன்ற படங்களிலும் நடித்துள்ளார்.
அவர் இதுவரை கிட்டத்தட்ட 900-க்கும் அதிகமான படங்களில் நடித்தார். சந்திரமோகன் அவர்களுக்கு மனைவி மற்றும் இரண்டு மகள்கள் உள்ளனர்.
இந்த நிலையில் 82 வயதாகும் சந்திரமோகன் உடல்நல குறைவு காரணமாக ஐதராபாத் அப்பல்லோ மருத்துவமனையில் அனுமதிக்கப்பட்டிருந்தார். இன்று காலை 9.45 மணியளவில் மாரடைப்பு காரணமாக சிகிச்சைப் பலனளிக்காமல் காலமானார்.
இவரது இறுதிச்சடங்கு திங்கள்கிழமை ஹைதராபாத்தில் நடைபெறுகிறது. திரை உலகினர் பலரும் இவரது மறைவுக்கு தங்களது இரங்கலை தெரிவித்து வருகின்றனர்.
