மக்களவைத் தேர்தலின் 5ம் கட்ட வாக்குப்பதிவு பலத்த பாதுகாப்புடன் ( 5th phase polling ) தொடங்கியுள்ளது .
இந்தியாவில் 18வது மக்களவை தேர்தல் 7 கட்டமாக நடைபெறுகிறது. ஏப்ரல் 19, ஏப்ரல் 16, மே 7, மே 13 என்று நான்கு கட்ட தேர்தல்கள் ஏற்கனவே வெற்றிகரமாக நடந்து முடிந்துள்ளன.
இந்நிலையில் ஐந்தாம் கட்ட தேர்தல் 20ஆம் தேதி இன்று நடைபெறுகிறது. 8 மாநிலங்களில் உள்ள 49 மக்களவை தொகுதிகளில் இந்த தேர்தல் நடைபெறுகிறது.
Also Read : கனமழை எச்சரிக்கை – நெல்லை ஆட்சியர் அறிவுரை..!!
ராகுல்காந்தி, ராஜ்நாத்சிங், ஸ்மிருதிராணி, பியூஸ் கோயல் என பிரபலங்கள் போட்டியிடும் தொகுதிகளுக்கு இன்று தேர்தல் நடைபெறுவதால் அணைத்து தொகுதிகளிலும் பாதுகாப்பு பலப்படுத்தப்பட்டுள்ளது.
இந்த 49 தொகுதிகளிலும் மொத்தம் 695 வேட்பாளர்கள் களத்தில் உள்ளனர். இதில் ராகுல் காந்தி உத்தரபிரதேச மாநிலம் ரேபரேலி தொகுதியில் போட்டியிட்டுள்ளார்.
மத்திய அமைச்சர் ராஜ்நாத் சிங் லக்னோவில் களம் காண்கிறார். இதே போல மத்திய அமைச்சர் ஸ்மிருதி இரானி அமேதி தொகுதியில் மீண்டும் களமிறங்கி உள்ளார். மத்திய அமைச்சர் பியூஸ் கோயல் மும்பை வடக்கு தொகுதியில் போட்டியிட்டுள்ளார்.
இன்று காலை 7 மணிக்கு தொடங்கிய இந்த வாக்குப்பதிவு மாலை 5 மணி வரை நடைபெற உள்ளது. ( 5th phase polling ) வாக்கு பதிவின் போது எந்த வித அசம்பாவிதமும் நடைபெற கூடாது என்பதற்காக ஏராளமான பாதுகாப்பு படை வீரர்கள் தீவிர பாதுகாப்பு மற்றும் கண்காணிப்பு பணிகளில் ஈடுபட்டு உள்ளனர்.
