மழை, வெள்ளத்தால் பாதிக்கப்பட்டுள்ள மக்கள் பொங்கல் (Pongal gift package) பண்டிகையை கொண்டாட ஏதுவாக பொங்கல் பரிசுத் தொகுப்புடன் ரொக்கப் பணமும் வழங்குமாறு தமிழக அரசை அமமுக பொதுச்செயலாளர் டிடிவி தினகரன் வலியுறுத்தியுள்ளார்.
தமிழர் திருநாளாம் பொங்கல் பண்டிகை இந்த ஆண்டு வருகிற ஜனவரி 15ஆம் தேதி கொண்டாப்படுகிறது. அந்தவகையில், ஒவ்வொரு ஆண்டும் பொங்கல் பண்டிகையை மக்கள் சிறப்பாக கொண்டாட தமிழக அரசு சார்பில் பொங்கல் பரிசு பொருள்கள் ரேஷன் அட்டைதாரர்களுக்கு வழங்கப்படும்.
அதில், கரும்பு, பச்சரிசி, வெல்லம் போன்ற பொருள்கள் வழங்கப்பட்ட நிலையில், சமீப ஆண்டுகளாக ரூ.1000 ரொக்கப் பணமும் சேர்த்து வழங்கப்பட்டு வந்தது. பொங்கல் பரிசு தொகுப்பு வழங்கும் பணிகளை தமிழக அரசு பொங்கல் பண்டிகைக்கு 10-15 நாள்களுக்கு முன்பே தொடங்கி வைப்பது வழக்கம். ரேஷன் கடைகளில் டோக்கன் முறையில் இந்த தொகுப்புகளை விநியோகம் செய்யப்படும்.
இதையும் படிங்க : https://itamiltv.com/those-who-not-received-rain-relief-fund-in-kumari-today-get-it/
ஆனால், இந்த வருடம் ஜனவரி தொடங்கி விட்ட நிலையிலும் இன்னுமும் பொங்கல் பரித்தொகை குறித்த அதிகாரப்பூர்வ அறிவிப்பு வெளியாகவில்லை. பொங்கல் பண்டிகைக்கு இன்னும் இரு வாரங்களே உள்ள நிலையில், மக்கள் மத்தியில் ரூ.1000 ரொக்கத் தொகை குறித்த எதிர்பார்ப்பு எழுந்துள்ளது. அதேபோல் கலைஞர் மகளிர் உரிமை தொகை திட்ட பணமும் பொங்கல் பண்டிகைக்கு முன்பாகவே பயனாளர்கள் கணக்கில் வரவு வைக்கப்படுமா எனவும் எதிர்பார்க்கப்படுகிறது.
இதனிடையே, மழை, வெள்ளத்தால் பாதிக்கப்பட்டுள்ள மக்கள் பொங்கல் பண்டிகையை கொண்டாட ஏதுவாக பொங்கல் பரிசுத் தொகுப்புடன் ரொக்கப் பணமும் வழங்குமாறு அமமுக பொதுச்செயலாளர் டிடிவி தினகரன் தமிழக அரசை வலியுறுத்தியுள்ளார். இதுகுறித்து அவர் வெளியிட்டுள்ள எக்ஸ் தளப்பதிவில்,
இதையும் படிங்க : https://itamiltv.com/mandatory-aadhaar-link-will-defeat-mission-of-100-day-job-scheme-vaiko-condemns-political-tamil-news-india/
கடந்த ஆண்டு சென்னை, திருவள்ளூர், காஞ்சிபுரம், செங்கல்பட்டு, திருநெல்வேலி, தென்காசி, தூத்துக்குடி மற்றும் கன்னியாகுமரி ஆகிய மாவட்ட மக்கள் மழை, வெள்ளத்தாலும், காவிரி நீரை உரிய நேரத்தில் பெற முடியாத காரணத்தினால் டெல்டா பகுதிகளைச் சேர்ந்த பெருமளவு விவசாயிகளும் தங்களின் வாழ்வாதாரத்தை இழந்து தவித்து வருகின்றனர்.
![pongal gift package](https://i0.wp.com/itamiltv.com/wp-content/uploads/2024/01/WhatsApp-Image-2023-12-29-at-11.12.49-AM-2-6.jpeg?resize=750%2C450&ssl=1)
சென்னை மற்றும் அதனைச் சுற்றியுள்ள பகுதிகளில் மழை, வெள்ளத்தால் பாதிக்கப்பட்ட மக்களுக்கு அரசு சார்பில் அறிவிக்கப்பட்ட ரூ.6000 நிவாரணத் தொகை, பலருக்கு கிடைக்கப்பெறவில்லை என்றும், டோக்கனில் தொடங்கி ரொக்கப் பணம் வழங்குவது வரை ஆளுங்கட்சியினரின் தலையீடு இருந்ததால் முறைகேடு நடந்திருக்க வாய்ப்பிருப்பதாகவும் பொதுமக்கள் குற்றம் சாட்டுகின்றனர்.
இந்த நேரத்தில், தமிழக அரசு சார்பாக அறிவிக்கப்பட்டுள்ள பொங்கல் பரிசுத் தொகுப்பில் ரொக்கப் பணம் வழங்குவது குறித்து எவ்வித அறிவிப்பும் இடம்பெறாதது எதிர்பார்த்து காத்திருந்த மக்கள் அனைவருக்கும் மிகுந்த ஏமாற்றத்தை ஏற்படுத்தியுள்ளது.
எனவே, அரசு சார்பாக வழங்கப்படும் பொங்கல் (Pongal gift package) பரிசுத் தொகுப்புடன் ரொக்கப் பணம் வழங்குவதோடு, மழை, வெள்ளத்தால் பாதிக்கப்பட்டுள்ள மக்களுக்கு விநியோகம் செய்ய ஒதுக்கப்பட்ட நிவாரணத் தொகை முழுவதும் பொங்கல் பண்டிகைக்கு முன்பாகவே முறையாக சென்றடைவதை உறுதி செய்ய வேண்டும் என தமிழக முதல்வர் திரு.மு.க.ஸ்டாலின் அவர்களை வலியுறுத்திக் கேட்டுக் கொள்கிறேன்.