இயக்குனர் சி.எஸ் அமுதன் இயக்கத்தில் விஜய் ஆண்டனி நடிப்பில் உருவாகியுள்ள ரத்தம் படத்தின் டிரைலர் இன்று (09.09.23) வெளியாகி உள்ளது.
இந்த படத்தில் ரம்யா நம்பீசன், மகிமா நம்பியார், நந்திதா ஸ்வேதா ஆகிய மூன்று கதாநாயகிகள் நடித்துள்ளனர்.
ரத்தம் படத்திற்கு கண்ணன் நாராயணன் இசையமைத்துள்ளார் மற்றும் கோபி அமர்நாத் ஒளிப்பதிவு செய்துள்ளார்.
படத்தில் திலீப் சுப்ராயன் சண்டை காட்சிகளை வடிவமைத்துள்ளார். கடந்த ஆண்டு வெளியான ரத்தம் பட டீசரில் சிறப்பு தோற்றத்தில் இயக்குனர்கள் வெற்றிமாறன், பா ரஞ்சித் மற்றும் வெங்கட் பிரபு ஆகியோர் இருந்ததும் குறிப்பிடத்தக்கது.
படத்தின் முதல் பார்வை, போஸ்டர், முதல் பாடல், இரண்டாவது பாடல், இசை வெளியீட்டு விழா, சர்ச்சையான பேச்சு என சகல விதமான தமிழ் சினிமாவின் போக்கினையும் கிண்டல் செய்து படத்தின் ரிலீஸ் தேதியினை சமீபத்தில் விஜய் ஆண்டனி வெளியிட்டிருந்தார்.
இந்த நிலையில் ரத்தம் படத்தின் டிரைலர் என்று வெளியாகி உள்ளது. படத்தின் டிரைலரை இயக்குனர்கள் பா ரஞ்சித் மற்றும் வெங்கட் பிரபு ஆகியோர் வெளியிட்டுள்ளனர். மேலும் ரத்தம் திரைப்படம் வரும் செப்டம்பர் 28ஆம் தேதி வெளியாக உள்ளது குறிப்பிடத்தக்கது.
