RCB lost the victory by 1 run : KKR-ன் சிறப்பான பந்து வீச்சு… 1 ரன் வித்தியாசத்தில் வெற்றியை இழந்தது ஆர்சிபி…. பிலேஆஃப் வாய்ப்பை இழந்ததா ஆர்.சி.பி?
கொல்கத்தா நைட் ரைடர்ஸ் மாற்று, ராயல் சேலஞ்சர்ஸ் பெங்களூரு அணிகள் கொல்கத்தாவில் உள்ள ஈடன் கார்டன் கிரிக்கெட் மைதானத்தில் நேற்று மோதின.
டாஸ் வென்ற பெங்களூரு அணி பௌலிங்கை தேர்வு செய்தது. இதையடுத்து தொடக்க வீரர்களாக பில் சால்ட் மற்றும் சுனில் நரைன் இணை களமிறங்கினர்.
தொடக்கம் முதலே தனது அபாரமான ஆட்டத்தை வெளிப்படுத்திய பில் சால்ட் 48 ரன்களில் ஆட்டமிழந்தார்.
இதையும் படிங்க : RTE 2024 – 25 : தனியார் பள்ளிகளில் மாணவர் சேர்க்கை – இன்று முதல் விண்ணப்பிக்கலாம்!
ஒருபக்கம் சுனில் நரைன், அங்கிரிஷ் ரகுவன்ஷி, வெங்கடேஷ் ஐயர் சொற்ப ரன்களில் ஆட்டமிழந்து ரசிகர்களுக்கு ஏமாற்றமளித்தனர்.
அடுத்து ஜோடி சேர்ந்த ஸ்ரேயாஸ் ஐயர் மற்றும் ரிங்கு சின் தங்களின் சிறந்த ஆட்டத்தால் அணியின் ஸ்கோரை உயர்த்தினர்.
தனது 24வது ரன்னில் ரிங்கு சிங் தனது விக்கெட்டை இழக்க, ஆண்ட்ரே ரஸல் கேப்டன் ஸ்ரேயாஸ் ஐயருடன் இணைந்தார்.
![RCB lost the victory by 1 run](https://i0.wp.com/itamiltv.com/wp-content/uploads/2024/04/WhatsApp-Image-2024-04-22-at-2.07.50-PM.jpeg?resize=1024%2C576&ssl=1)
பின் 50 ரன்களில் ஸ்ரேயாஸ் ஐயர் விக்கெட்டை இழக்க, அடுத்துக் களமிறங்கிய ரமந்தீப் சிங் ஸ்கோரை வெகுவாக உயர்த்தினார்.
இருவரும் தங்களது அதிரடி ஆட்டத்தை காட்ட 20 ஓவர்கள் முடிவில் கொல்கத்தா நைட் ரைடர்ஸ் அணி 6 விக்கெட் இழப்பிற்கு 222 ரன்களைச் சேர்த்தது.
இதனைத் தொடர்ந்து 223 ரன்கள் எடுத்தால் வெற்றி என்ற இலக்குடன் ஆர்சிபி அணி களமிறங்கியது.
தொடக்க ஆட்டக்காரர்களாக விராட் கோலியும், டூப்ளெசியும் களமிறங்கினர்.
தொடக்கத்தில் சிறப்பான ஆட்டத்தை வெளிப்படுத்தினாலும் 18 ரன்களில் கோலி பெவிலியன் திரும்பினார்.
பின்னர் கேப்டன் டூப்ளெசியும் ஆட்டமிழக்க, ஜாக்ஸ் மற்றும் பட்டிதார் ஜோடி ஜோடி சேர்ந்தனர்.
சிறப்பான ஆட்டத்தை வெளிப்படுத்திய இவர்கள் அணிகளின் ரன்னை உயர்த்தினர்.
ஜேக்ஸ் 55 ரன்களும், பட்டிதார் 52 ரன்களும் எடுத்து நிலையில் ஆட்டமிழந்தனர். பிரபுதேசாய் 24 ரன்களிலும், தினேஷ் கார்த்திக் 25 ரன்களிலும் அடுத்தடுத்து வெளியேறினார்.
வெற்றி பெற 21 ரன்கள் தேவைப்பட்ட நிலையில் களத்திலிருந்த கரண் சர்மா 20வது ஓவரின் 3, 4 ஆவது பந்துகளை சிக்சருக்கு விளாசினார்.
கடைசி 2 பந்துகளில் 3 ரன்கள் தேவைப்பட்டபோது, கரண் சர்மா வெளியேற, வெற்றி பெற 3 ரன்கள் தேவைப்பட்டது.
கடைசி பந்தை ஸ்டார்க் வீச, அதில் பெர்கூசன் ஒரு ரன் எடுத்த நிலையில், 2வது ரன் எடுத்தால் சூப்பர் ஓவர் செல்லலாம் என நினைத்து 2 ஆவது ரன்னுக்கு அவர் ஓட முயன்றபோது ரன் அவுட் ஆனார்.
இதனால் கொல்கத்தா அணி 1 ரன் வித்தியாசத்தில் வெற்றியை உறுதி செய்தது RCB lost the victory by 1 run.