இமாச்சல பிரதேசத்தில் ஏற்பட்ட கார் விபத்தில் காணாமல் போன Vetri துரைசாமியை தேடும் பணி 5வது நாளாக தீவிரமடைந்துள்ளது.
சென்னை முன்னாள் மேயராகவும் சைதாப்பேட்டை தொகுதி நாடாளுமன்ற உறுப்பினராகவும் இருந்தவர் சைதை துரைசாமி.
இவரது மகன் வெற்றி. 45 வயதாகும் இவர் பிரபல சினிமா இயக்குனர் வெற்றி மாறனிடம் பயிற்சி பெற்றுள்ள வெற்றி, கடந்த சில ஆண்டுகளுக்கு முன்பு ‘என்றாவது ஒருநாள்’ என்ற திரைப்படத்தை இயக்கியுள்ளார்.
இந்த நிலையில், Vetri Duraisamy திருப்பூரை சேர்ந்த தனது உதவியாளர் கோபிநாத்துடன் இமாச்சல் பிரதேசத்திற்கு கடந்த சில நாட்களுக்கு முன் சுற்றுலா சென்றுள்ளார்.
கார் ஒன்றை வாடகைக்கு எடுத்த அவர்கள் லாஹல் மற்றும் ஸ்பிதியின் காசா பகுதியிலிருந்து சிம்லாவுக்கு சென்று கொண்டிருந்தனர்.
காரை உள்ளூரை சேர்ந்த தஞ்சின் என்ற ஓட்டுனர் தான் ஓட்டிச் சென்றுள்ளார்.
கின்னார் மாவட்டம் காசாங் நாலா தேசிய நெடுஞ்சாலையில் சென்றுக் கொண்டிருந்த போது ஓட்டுநரின் கட்டுப்பாட்டை இழந்த கார் சட்லஜ் ஆற்றில் கவிழ்ந்து விபத்துக்குள்ளானது .
இதுகுறித்த தகவல் அறிந்த தீயணைப்புப் படையினர் மற்றும் தேசிய பேரிடர் மீட்பு படையினர், போலீசாருடன் இணைந்து தேடும் பணியில் ஈடுபட்டனர்.
இதில், காரை ஓட்டிய தன்ஜின் சடலமாக மீட்கப்பட்ட நிலையில் வெற்றியின் நண்பர் கோபிநாத் படுகாயங்களுடன் மீட்கப்பட்டு மருத்துவமனையில் அனுமதிக்கப்பட்டுள்ளார் . ஆனால் வெற்றி துரைசாமி மாயமானார்
இந்த விபத்தில் மாயமான Vetri துரைசாமியை 5வது நாளாக தேடும் பணி தீவிரமடைந்துள்ளது.
ஆசை ஆசையாக வளர்த்த தனது மகன் விபத்தில் சிக்கியது குறித்து தகவல் அறிந்த உடன் சைதை துரைசாமி உடனடியாக இமாச்சல பிரதேசத்திற்கு சென்று காத்திருக்கிறார்.
இந்நிலையில் விபத்து நடந்த இடத்தில் உள்ள கல்லில் படிந்திருந்த உடல் திசுக்கள் என்பது கண்டுபிடிக்கப்பட்டுள்ளது .
இந்த திசுக்கள் காணாமல் போன வெற்றியின் உடல் திசுக்களா என சந்தேகம் ஏற்பட்டுள்ளதால் . தடயவியல் மற்றும் டிஎன்ஏ சோதனைக்கு அனுப்பி வைக்கப்பட்டுள்ளதாக ஹிமாச்சல் டிஜிபி தெரிவித்துள்ளார்.
Also Read https://itamiltv.com/lal-salam-movie-ban-in-kuwait/
இந்நிலையில் விபத்துக்குள்ளான காரில் இருந்து 2 செல்போன்கள் மீட்கப்பட்டுள்ளது . ஐபோன் மற்றும் ஓப்போ போனின் படங்களை காவல்துறை வெளியிட்டுள்ளது.
வெற்றி துரைசாமியை தேடும் பணி 5வது நாளாக தீவிரமடைந்துள்ள நிலையில் இன்றாவது அவரை மீட்பார்களா இல்லையா என்பதை நாம் காத்திருந்து பார்க்கலாம்.
